Mga Miyembro sa Parish Pre-Synodal Team sa Tagakpan Gipadala

Usa ka mabungahong pagsaulog sa ika-29 nga Domingo sulod sa tuig ang nahitabo niadtong October 17, 2021 tungod kay gipahigayon ang Eucharistic Celebration and Opening of the Synod of the Archdiocese of Davao. Tungod niini, gibendisyonan usab ang mga miyembro sa Parish Pre-Synodal Team sa San Francisco de Asis Parish Tagakpan. Gipangulohan ang Santos nga Misa ni Rev. Fr. Mark Jann Perez, OSJ, ang Kura Paroko sa parokya.

Kining maong selebrasyon sa pag-abre sa Sinodo sa Arkidayosis sa Davao kabahin sa duha ka tuig nga pagpangandam sa General Assembly of the Synod of Bishops karong umaabot nga October 23, 2023.

Matud pa ni Abp. Romulo Valles, magkatigum ang mga miyembro sa matag parokya ug kadtong mga naa sa mga GKK kon Gagmay’ng Kristohanong Katilingban aron mag-ampo sa lamdag sa Espiritu Santo diha sa ilang pagpangandam.

“We will gather together in small circles in parishes, schools and basic ecclesial communities to pray together and ask the Spirit to lend us His eyes and mind and heart. We will look at two landscapes not with our eyes but with the eyes of the Lord,” Archbishop Valles said.

Dugang pa ni Fr. Perez, ang mga miyembro sa SFDA Parish Pre-Synodal Team naggikan sa nagkalain-laing mga hut-ong nga maoy mas nakapakusgan sa team sa parokya diha sa ilang pagpangandam, nilamdagan sa balaang Espiritu Santo. Ang mga miyembro mao sila Sr. Rema S. Millan, MPS, Mrs. Emerita A. Alcaria, Mrs. Jean C. Odoy. Mr. Lindsey Medrano, ug Mr. Jeffren P. Miguel. Silang tanan magtinabangay aron sa pagpalambo sa kinabuhing Kristohanon sa parokya diha sa ilang aktibong partisipasyon sa Parish Pre-Synodal Team.

Nagalaum ang tibook Parish Pre-Synodal Team sa San Francisco de Asis nga mamahimo silang strong and firm sa ilang pagpanerbisyo sa parokya, inubanan sa pag-ampo ug giya sa Labaw’ng Makagagahum. (Jeffren P. Miguel – SFDA Tagakpan SocCom)