Pag-abli sa Synod on Synodality: Hiniusang Panaw Uban sa Espiritu Santo

Andam na ang mga sakop sa pre-synodal team sa paglusad sa mga pagpaminaw sa nagkalainlaing parokya sa tibuok Arkidayosis sa DAbaw, Dayosesis sa Tagum, Mati ug Digos, tibuok nasud ug sa tibuok kalibutan.

Kini human nga pormal nga gilusad ang SYNOD ON SYNODALITY adlawng Domingo, Oktubre 17, 2021 – ang unang ang-ang sa pagpanaw sa simbahan isip pagpangandam alang sa panagtigom sa mga Obispo sa Vatican sa tuig 2023.

Ang tema nga gipili ni Papa Francisco alang sa synodal process 2021-2023 mao ang: For a Synodal Church: Communion, Participation, Mission.

Gilauman sa kadaghanan nga ang ipahigayon nga proseso sa sinodo magpaduol sa tanang mga katawhan ug makatabang nga ilhon nga nahiusa ang tanan sa kumon nga bunyag—isip mga sakop sa Lawas ni Kristo.

Sa mosunod nga mga bulan, mosalmot ang mga dayosesis sa worldwide synodal consultation, ug dapiton ang tanang katawhan sa pagtubag sa pipila ka mga pangutana.

Kini nga pasiuna nga ang-ang magdala sa katawhan ngadto sa dugang mga pang mga oportunidad sa pag-partisipar sa diocesan ug national level.

Ang diocesan ug national nga mga ang-ang modagan kutob Abril 2022 ug sundan sa usa ka continental phase gikan September 2022 kutob March 2023.

Ug ang katapusang nga “universal Church phase” mahuman sa ika- XVI Ordinary General Assembly sa Synod of Bishops sa October 2023.

Sa iyang homiliya sa San Pedro Cathedral, si Most Reverend Romulo G. Valles, D.D. naghulagway sa bag-ong proseso sa sinodo nga dunay “halawom ug nindot nga pagpangandam nga duna kitay bahin sa synod of bishops; kada diocese, ang Vatican maoy nagmando nga kitang tanan magsaulog sa launching sa pagpanandam sa Synod of Bishops.”

Sa nanglabay nga mga sinodo, dunay particular nga topiko nga gihisgutan, si Abp. Valles nagkanayon, “youth, scriptures, families. Kini nga synod mao ang sinodo sa synod – synod on synodality.”

Tawgon sa Santo Papa ang kaobispohan sa tibuok kalibutan aron sa pagtapok, pagbinayloay, pag-inambitay, pagpaminaway sa usag-usa, “.. sa ilang mga kahigwaos, joys and sorrows ug mga panglantaw sa simbahan sa matag dapit sa tibuok kalibutan. That is a synod,” si Abp. Valles midugang.

Iya usab nga giapsabot ang kahulugan sa SYNOD: “In ancient term, synod – carries with it, nindot nga kahulugan nga may kalabotan sa simbahan . Karaan nga term, pag meeting sa Santo Papa sa mga Obispo. Griego : syn – sinodo: together, nagkauban, hiniusa, nagkuyog.” Samtang ang ODO, nagpasabot sa panaw. Busa, ang SYNOD, dungan nga nagpanaw.

“Di lang ni meeting—to become, one mind and one heart sumala sa acts of the apostole. Spirit sa synod – journeying. Ang simbahan di ta taga kalibutan. Nag journey ta, adjusting, listening sa mga successes kung maayo ba ang mga panaw,” siya midugang.

Sa matag panagtapok sa mga Obispo, si Abp. Valles namahayag, dala sa matag Obispo didto sa Roma ang mga panghunahuna ug mga kasingkasing sa katawhan nga iyang gi-representahan, “Busa nakabantay mo, apil mo niini, konsultahon mo, – paminawon kay dalahon ang input, dalhon sa Obispo didto sa Roma. Sa bisaya pa, himulso.”

Kalakip sa pormal nga pag-abli sa Sinodo mao ang mga simbolo sa Kristyanismo: ang imahe sa Santo Ninyo ug Krusipiho nga maoy gigasa sa unang mga misyonaryo sa mga taga-Sugbu kinyentos na ka tuig ang milabay; ang karaang painting sa mga nanagsubo nga mga disipulo sa paglakaw didto sa Emmaus human sa pagkamatay ni HesuKristo ug wala magdahom nga kauban diay nila Siya sa maong paglakaw, “nabuhi ang ilang pagtuo; uban siya – siya ang # 1 uban nato;” ug ang imahe ni Bulahang Birhen Maria kinsa maoy gitugyanan ni Kristo sa Iyang katawhan ug Iyang Inahan ngadto sa katawhan.

Apan, si Arsobispo Valles nagpahinumdum nga dili hikalimtan nga “sangpiton nato ang Espiritu sa Diyos. Mao na Mass of the Holy Spirit atong gisaulog karon,” sanglit, sama sa unang simbhan ang “character – imbued with the spirit – in contrast, the fruit of the spirit is love, joy, peace, patience, kindness, generosity , faithfullness, gentleness, self-control—katong una- listening and speaking , kini atong behavior kung anaa ang Holy Spirit. Nah, hiusa gyud ta. Kung wala ni, di ta magdungan.”

Busa iyang giaghat ang tanan sa pag-ampo nga mokunsad ang Balaang Espiritu nga maga-uban sa katawhan sa panaw, “ it would mean the synodal spirit. Para ma syn – listening, common behavior and energy to go in vision. Symbolic but real pud, nga makatabang sa synodo,” matud ni Abp. Valles

Atol sa maong Santos nga Misa, pormal nga gipadala ug gibendisyonan usab ang mga sakop sa Archdiocesan Pre-Synodal Team kinsa maoy motabang sa mga pagahimoon nga mga konsultasyon sa matag parokya, sa mosunod:

Contact persons: Mr. Eduardo Pacana – ACLAIM President; Msgr. Julius Rodulfa – Pastoral Director

Bp. George Rimando – responsible process observer

Members: Fr. Archimedes Lachica, SJ( ADDU); Fr. Hermogenes Garcia,SSS (Assumption Parish; Episcopal Vicar for the Religious); Fr. Russel Bantiles, (SJP II Parish Priest) ; Lunar Fayloga – faculty (ADDU); Atty. Charina Sanz – (San Pablo Parish); Mary Ann Almeria( SOCCOM ug DAYCA Coordinator); Cecilia Ramos (PSK GKK coordinator SJWP Sasa); Victoria Estoque Anghag- Archdiocesan pastoral worker.

Human sa pagpadala kanila, gidagkotan ang ilang mga kandila ug naghalad ug bulak ngadto sa imahe ni Birhen Maria.

Ingon ini usab ang mga panghitabo nga nasaksihan sa Katedral sa Mary Mediatrix sa Dayosis sa Digos atol sa Santos nga Misa nga gipanguluhan ni Most Rev. Guillermo V. Afable, D.D. kinsa miingon nga “ sulod sa 24 oras, hangtod karong tungang gabii, magpadayon ang tres mil o sobra usa ka gatos ka mga simbahang lokal magaabli niining , gitawag nga synod 2021-2023. Duha ka tuig nga panaw sa simbahan.”

Lakip niini ang 29 ka mga parokya ug mission stations gikan sa Inayawan hangtod sa isla sa Bato sakop sa mga probinsiya sa Davao Occidental ug Davao del Sur—“apil ang mga tribu, kauban na sila sa atong panaw sa simbahan; kapin 1,200 gkks, religious congregations. Saulogon ang misyteryosong gahom sa Diyos, sa presencia sa Diyos,” si Bishop Afable nagkanayon.

Sa Dayosis sa Mati, si Most Rev. Abel Apigo sa iyang homiliya nag-ingon, “Ngano pula ang vestment sa mga pari? Ngano ang pagbasa sa Pentecostes?” ug gipasabot ang pulong nga SYNOD nga iyang gihulagway nga usa ka “ancient and venerable word” nga “nagpadayag sa kapuno sa kahulugan sa pulong; ang kinabuhi- ang palihok sa simbahan.” Alang kaniya, usa kini ka misyon, hiniusa sa pagpanaw uban sa Espiritu Santo.

Gipasalamatan niya ang kauban nga motabang sa pre-synodal team sa paghipos ug paghan-ay sa mga resulta sa mga konsultasyon ang mga taga Davao Oriental State University research team.

Base sa tema, giagni niya ang tanan alang sa kahiusahan – communion; participation – ngadto sa representante sa mga pari sa 20 ka mga parokya (sa Dayosis sa Mati) kansang tumong – misyon nga mapakaylap ang mensahe sa kaluwasan.

“It’s not the work of the team but everyone – journey that manifest the life and way of living of the church,” si Bp. Apigo midugang.

Sa Diocese sa Tagum- pormal nga giablihan ang Sinodo niadtong Oct. 11, 2021 ni Bishop Medil S. Aseo sulod sa Christ the king Cathedral.

“Nakasiguro ko mga kaigsonan nga ning mga butanga nasinati na nato sa atong katilingban – kanunay naghagit kanato sumala sa atong experience pinaagi sa espritu santo, gihagit kanato,” pahayag niya atol sa homiliya.

“Dili ikalimod nga diha sa atong mga GKK, naa na tay experience nianing gitawag nga synodality. Nagsugod pa niadtong 1968 pa to – mga attempt to build community ; mga karaang models kung maghisgot ta ug katilingban. Ang katukuran sa GKK – sukad pa sa pagsugod dunay presidente aron nga dunay order. Kaabag ang tigpabaskog, nourishing ug ang catechist maoy molahutay.”

Alang kaniya, ang maong pamaagi sa sinodo dili na bag-o sa pagkinabuhi isip simbahan nga katoliko sa Dayosis sa Tagum. Base sa basahon sa Buhat sa mga Apostoles (Acts 15; 2-35), iyang gibatbat nga “ – na problema ang mga kadagkuan sa simbahan. Tataw nga nag dialogue. Nga misulti ang Balaang Espiritu isip simbahan, ug sa kataas nga panaw sa simbahan, sukad kaniadtong hangtod karon, mao na ang tingog sa espiritu diha gyud kanunay sa mapaminawon nga simbahan.”

Sa katapusan siya nag-aghat sa tanan nga magpabilin nga maampoon, ug mao kini ang kalidad sa synodality diin nabansay na sa diocese sa Tagum, “ – makanunayon dili lamang karon apan tumong gyud niini, nga puy-an sa matag usa.”