5 Basic Seminars alang sa GKK gipahigayon

Nagpahigayon ang San Miguel Parish sa Panacan ug 5 basic seminar alang sa mga bag-ong GKK leaders nga nagsugod niadtong Pebrero 8 hangtod Pebrero 23.

Ang katuyoan sa maong seminar aron mas masabtan ang tumong sa pagmugna sa GKK kon Gagmay’ng Kristohanong Katilingban.

Ang maong seminar gisalmutan sa mga PSB kon Pangulo sa Batan-on, PSA kon Pangulo sa Alagad, PSL kon Pangulo sa Liturhiya, PSK kon Pangulo sa Katilingban ug PSP kon Pangulo sa Pagpanudlo ug uban pa nga sakop sa parokya sa San Miguel.

Lakip sab sa maong katikaran ang pagtudlo sa ila sa basic bible, basic evangelization, basic social teaching, basic liturgy, ug basic GKK orientation.

Ang mga nangapil sa maong seminar mu-qualify alang sa interview nga ipahigayon karong March 2 aron sa ilang renewal sa katilingban karong April.