Breaking the cycle of couple separation

Dear Ate Emz,

Kaniadto sa bata pa ako 6 yrs old ako niadtong higayona sa dihang nagbulag ang akong mga ginikanan. Sa mga nanglabayng panahon nga ako hinay-hinay nga naga dako, saksi ako sa mga pakyas nga mga kaminyoon, mao nga naka-ingon ako sa akong kaugalingon nga dili para nako ang sama niining kaminyoon. Nawad-an na ako ug pagslig, nahadlok nga kun basin mahisama akong kasinatian sa uban.

Sa mga pagbati nga kasubo kabahin sa sitwasyon sa akong pamilya akong nabati ang pagka-inusara. Hinuon wala ko mawad-an sa paglaum kay sayud ako nga anaa ang GINOO adlawng tanan naga uban, akong kauban ug kadamay sa mga pagsulay. Nasayud sab ako nga kining mga pait nga kasinatian lumalabay lamang.

Sa naga dagan ang panahon wala nako sayangi ang mga higayon nga mamahimong aktibo sa mga kalihukan sa simbahan, tambong sa mga seminar alang sa pagpalawum sa padto-o mga aktibidad pang relihiyoso nga aron makalimtan ko ang lawum nga rason sa akong kasubo sa nahitabo sa akong pamilya.

Nagpadayun kini hangtud sa miabot ang taknang panahon nga ako naminyo usab. 15 yrs na akong minyo, malipayon kauban ang akong bana ug 2 ka anak. Dili diay tinuod nga kung unsay gi-gikanan mao sab ang kahihinatnan sama sa broken Family.

Tungod kini sa akong hugot ug tiunay nga pagsalig sa atong GINOONG HESUKRISTO. Way puas nga pag-ampo ug dako ang kabahin sa mga pagtulon-an nga akong nakat-onan nganha sa mga pag tambong sa mga aktibidad sa simbahan.

Dinhi na lang kutob ug daghang salamat.
Joy

* * * * * *

Dear Joy,

Kung ang mga ginikanan magbulag, unang maapektuhan sa desisyon mao ang ilang mga anak. Kasagaran ang resulta niini mamahimong traumatic kabahin sa mga bata. Naay mga higayon nga bahinon sila, ang uban didto sa inahan ug ang uban didto sa amahan. Samot na kung sama sa imong malumong edad nga 6 years old ka pa niadtong panghitaboa. Kini nakamugna ug lawom nga samad sa imong pagkatao. Mao nga sa imong kasinatian dili ka mabasol nganong nahadlok ka nang magminyo ug nakaingon ka nga ang kaminyoon wala na gyud forever.

Tinuod, ang tanan lumalabay lamang, labi na ang pagbati nga nag-inusara ka lang, walay katambayayong, ug masulob-on. Usahay makapasakit sa kasingkasing nga makita nimo ang usa ka kumpleto nga pamilya unya nangandoy pud ka nga ing-ana pud unta sama nila ang imoha. Apan dapat dawaton ang realidad. Salamat naman og wala gyud ka nawad-an sa paglaum. Daku kaayo ang natabang sa imong pag-apil ug pagserbisyo sa mga kalihukan sa simbahan. Ang mga formation sessions nga ginahatag sa mga miyembro sa mga organisasyon maoy nakapaayo sa imong samad nga resulta sa pagbulag sa imong ginikanan.

Sa tanang nakat-unan nimo isip nagikan sa broken family, nagtuo ako nga daku kaayo ang inyong pagpaningkamot nga molig-on ang inyong relasyon sa tibuok pamilya. Praise God, you have broken the cycle of couple separation with your own happy married life! Salamat lang gihapon sa mga kasinatian bisan unsa ka pait kay nahimo kini nga pundasyon sa maayong pagpuyo sa umaabot. Makaamgo kita nga ang tanan grasya gikan sa Ginoo bisan pa nga usahay kini moabot pinaagi sa kusog nga ulan, o di kaha sa balangaw.

Ang paglambo sa gugma diha sa pamilya mamahimo lamang kung naa sa taliwa ang Ginoo. Dugang pa niini ang pamilya nga sama-sama sa pag-ampo bag-o mahuman ang adlaw, pananginlan gyud sa atong Makagagahum nga Amahan. Live up to your marriage vows, renewing them daily as you face trials, big or small…that you will continue to love each other for better or for worse, in sickness and in health, for richer or for poorer, till death do you part…

Let prayer be your strength as you sustain the love in your married life and family. Continue to serve the Lord for you have been called for this mission, bearing in mind that you are GIFTED TO GIVE!!!

God bless you more.
Ate Emz