Buslot nga kasing-kasing

Dear Ate Emz,

Ako si Arnold 50 anyos, walay asawa ug anak. Single blessedness. Duna akoy permanenteng trabaho sa usa ka pribadong kumpanya. Gipanguluhan ang usa ka departamento sa among kumpanya.

Dunay mga higayon nga ako unta ma minyo na apan mas gipalabi ko ang akong mga ka banay kay ako ang ilang gisaligan. Aduna akoy mga gina pa eskwelang pag-umangkon. Mga panginahanglan sa panimalay ako maoy naga provide. Wala akoy gimahayan kay mao kini ang akong ka gustohan.

Naka tuon ang akong mga paningkamot sa akong mga kabanay ug wala na akoy plano pa nga mangasawa tungod pud sa akong pangidaron nga maka ingon ta ug medyo taas na punuan. Malipayon ako nga mag silbi sa akong pamilya. Puno sa grasya ang akong kinabuhi kay sa pagka tinuod sa gamayng bata pa lang ako kaniadto nasayran nga duna akoy buslot sa kasing-kasing. Matud pa sa mga ingon ining dunay kundisyon dili mu lungtad ug dugay. Kasagaran bata pa lang ang uban mamahulay na. Sa akong kahimtang milagro ang akong naangkon. Akong gikunsidera nga ang matag adlaw sa akong pagmata, dakong gasa gikan sa Dios kay iyang gitagaan ug extension ang akong kinabuhi.

Sa akong edad karon sobra sobra gyud ang bonus nga gihatag sa GINOO kanako mao nga wala nako sayangi ang mga higayon sa pag gahin ug kung unsay akong ikadalit sa mga taong akong gimahal. Usahay dunay mga higala nga maka ingon ako ug miabuso sa imong kaayo agig pinansiyal nga ang kasabutan hulam lang apan asa nasa dihang imo kining gikinahanglan.

Gina pa sa Dios ko na lang kining tanan kay siguro gina sukod lang ako sa kung unsa ang akong himuon.

Magpa hangtud karon padayun ang mga grasya ug gasa sa akong kinabuhi. Isipun lang gyud nato nga ang tanan dinhi ning kalibutan ang kamaayo ug mga maanindot ug dili kabaliktaran niini.

Ang akong mga kabalaka sa una mahitungod sa akong kundisyon napulihan kini ug mga maayong pagbati. Puno sa kasadya ug pahlaum. Salig lang gyud sa atong GINOO ug hugot nga pagtoo.

Daghang Salamat
Arnold

***************

Dear Arnold,

Praise and thank God for the gift of your life and along with this, all the blessings and love showered upon you right from your childhood till the present time.

Kining sulat nimo nagpaila sa imong desisyon nga magpabilin ka sa SINGLE BLESSEDNESS state of life. Atong mahinumduman nga ang married life ug ang religious life mao ang lain pang duha ka mga estado sa kinabuhi kung asa kita gitawag sa Ginoo. Busa, kining single blessedness usa pud kini ka bokasyon.

You happily expressed that you have offered your life for the betterment of your family. Imong gipuy-an ang tawag sa Ginoo ug klaro kaayo ang gugma dinha sa imong pamilya, ug hinungdan ini, walay katapusan sab ang grasya nga niabot sa imong kinabuhi.

Kung imong balikan ang mga panghitabo kaniadto sa gamay ka pa labi na ang kahimtang nga naay buslot o lungag ang imong kasingkasing, ikaw na mismo ang niingon nga usa ka milagro ang imong naangkon tungod kay gihatagan ka sa Ginoo ug taas pa nga kinabuhi. Tungod niini, nagtuo ako nga gipahulam kanimo sa Ginoo ang Iyang kasingkasing aron kini magpitik sab alang sa mga tao nga nangihanglan sa imong pagkamanggihatagon, labi na sa imong pamilya ug uban pang mga tao nga imo gimahal. Pinaagi sa imong kasingkasing nagdagayday ang gugma sa Ginoo…ikaw ang Iyang gipili nga agianan niini, busa, nahimo ka nga blessing gyud sa kinabuhi sa uban.

Being single, your AVAILABILITY is an added gift in fulfilling the mission that your vocation or calling entails. Salamat ani nga gasa, daghan ka pa matabangan labi na sa edukasyon sa imong mga pag-umangkon ug uban pang mga panginahanglan sa panimalay. Their success is your success, too. Sigurado ako nga nahimuot gyud ang Ginoo sa imong pamaagi sa pagpasalamat sab sa grasya ug bonus sa kinabuhing gipaambit kanimo. Naa pa gyud kay misyon sa imong paglawig aning kalibutan.

God cannot be outdone in generosity. Whatever you give, He rewards you with many more blessings . Hence, no worry if those ones failed to return what they owed you. Rest assured that God will give it back to you in other ways and forms…maybe in the form of good health and wellness of mind, body and spirit. He wants you to continue His work of loving and caring for those persons He sends you along the way.

Uban sa hugot nga pag-ampo alang kanimo, hinaut unta nga ang matag pinitik sa imong kasingkasing, pitik sa GUGMA ug PASASALAMAT sa taas pang kinabuhi ug grasya nga gihatag kanimo sa Ginoo. Being gifted to give, may you become a more available and generous person today more than yesterday.

God bless you always.
Ate Emz