Basketball game gihimo sa Davao Clergy vs REMASE

Una mamahimong mga opisyal nga pari ang mga 4th year seminarians sa REMASE, gitagaan una sila og exposure nga usa ka semana ngadto sa mga parokya.

Usa sa ilang mga exposure ang nahitabong basketbol game sa Holy Cross of Davao College, Gymnasium kaniadtong ika – 17 sa Pebrero.

Kini nga dula usa ka friendly game nga mismong ang REMASE ang nag – organisa. Lahi sa naandang dula sa basketbol, ang dula naay unom ka quarters ug tag diyes minutos ang oras sa dula niini.

Kalaban sa mga 4th year seminarians sa REMASE ang Davao Clergy. Tulo sa mga kinse ka players sa REMASE ang mga pari samtang ang Davao Clergy naay desesyete ka players. Playing coach sa REMASE mao si Fr. Rene Retardo ug si Fr. Henry Campeon sab ang playing coach sa Davao Clergy.

Sa 1st half sa dula, dikit ang iskor. Labaw ang Davao Clergy sa iskor na 47 – 50.

Sa 4th quarter, miabante ang iskor sa 107 – 90 kon asa milabaw ang REMASE og baynte ka puntos. Kini ang kinadak – ang labaw nila sa tibuok dula.

Apan pag – abot sa 5th quarter miapas ang Davao Clergy ug gibilinan og labaw nga isa ka punto na lang ang REMASE. Sa ikaulahing quarter naapsan sa Davao Clergy ang REMASE ug wala na kini makaapas.

Giproklamang daog ang Davao Clergy batok REMASE sa iskor na 139 – 148.

Paghuman sa dula naay gipahigayon na salo – salo sa Sta. Ana Shrine Parish.