Lorenzian Youth pagrosaryo mapadayunon

Luyo sa kaguol, anaa ang kalipay
Luyo sa kapildihan, anaa ang kadaugan
Luyo sa mga problema, anaa ang mga gasa
Luyo sa kahuyang, anaa ang kakusog
Ug luyo niining tanan, anaa ang Ginoo!

Gipahigayon sa mga Lorenzian Youth ang usa nga “Chain Rosary” nga gisugdan niadtong Hunyo 14, 2021 sa alas-sais sa buntag hangtod alas-sais sa gabie. Kini ang gilauman sa mga kabatan-unan nga panagang sa mga pagsulay nga atong nasinatian karon.

Ang maong binuhatan dili lamang matapos sa usa ka adlaw kundili, kini magpadayon hangtod asa kini itugot sa Diyos.

Pag-ampo, pag-rosaryo, pagpangaliyupo… kini ang pipila lamang ka mga butang nga angay natong pagapuy-an ug buhaton aron mubalik na ang kaanyag sa atong panahon ug sitwasyon. (PYA Don Marcelino FB)