Mensahe ni Archbishop Valles sa ika-5 nga anibersaryo sa DXGN

Greetings my dear brothers and sisters! Maayong adlaw kaninyong tanan. A blessed Sunday to all of you. Today is June 13, Sunday but also the fiesta of San Antonio de Padua and you remember also today is the birthday of the late Archbishop Antonio Mabutas.

But in addition to that dungan niana karong adlawa, maghandum kita, magsaulog kita sa ika-fifth anniversary sa pag-open, pagsugod nato niining atong bag-ong DXGN 89.9 Spirit FM. Atong handumon kining lima ka tuig nga pagsugod pagsibya sa atong pinilangga nga Catholic radio station. Tungod kay makaingon kita mga igsoon lima ka tuig ang miagi dakong grasya kini alang kanatong tanan. Gibati nato ang kalipay, ang daku nga grasya nga natabang kanato sukad niadtong pag-abli niani lima ka tuig ang miagi. Apan proud ako nga mosulti kaninyo and am sure daghan kaninyo mouyon kanako nga labi na panahon sa pandemic sugod niadtong 2020 nakita nato ang dakung grasya, pagkabulahan kay aduna kitay Catholic radio station sama sa DXGN.

Hinaut pa unta mga igsoon karong adlawa apil sa atong timbaya, sa atong greetings, sa atong congratulations kanila, apil pud sa atong best wishes, apil sa atong mga pag-ampo dili pud kita mohunong nga mohatag kanila’g suporta sa mga material nga paagi aron kining dakong grasya nato dinhi sa Archdiocese sa Davao ug basin pa gani gawas sa laing lugar, gawas sa archdiocese sa Davao sila magpadayon.

Atong greetings, atong pag-ampo ug atong suportar kanila kay pinaagi niana nakatabang kita, naka suport kita sa misyon sa Simbahan, sa misyon sa larawan sa Dios nga mao ang makanunayong pagsangyaw sa maayong balita ni Kristo diha sa atong tanan. Greetings DXGN ug hinaut pa unta uban sa support sa atong katawhan ug grasya sa Dios magpadayon kamo sa inyong pag-alagad sa sunod nga mga katuigan.