Simbahan: Lawas ni Kristo

P: Sa unsang paagiha ang katawhan sa Dios nagaambit sa tutulo ka mga tahas ni Cristo isip Pari, Propeta ug Hari?

T: Ang katawhan sa Dios nagaambit as parianong opisyo ni Cristo sanglit sila isip mga binunyagan nakonsagrahan man sa Espiritu Santo sa paghalad og mga espirituhanong sakripisyo. Sila nagaambit sa propetanhong opisyo ni Cristo sa dihang, inubanan sa latas-sa-natural nga pagsabot sa pagtoo, sila walay-pakyas nga nagahupot sa pagtoo ug nagapalawom sa ilang pagsabot ug nagasaksi niini. Ang katawhan sa Dios nagaambit sa iyang harianong opisyo pinaagi sa pag-alagad, sinunod si Jesucristo kinsa, isip Hari sa uniberso, mihimo sa iyang kaugalingon nga sulugoon sa tanan, labi na sa mga kabos ug nanag-antos.

P: Sa unsang paagiha ang Simbahan lawas ni Cristo?

T: Ang nabanhawng Cristo, sa suod nga paagi, nagahiusa sa iyang matuohong katawhan nganha sa iyang kaugalingon pinaagi sa Espiritu Santo. Niining paagiha, sila nga nagatoo kang Cristo, sanglit sila duol kaniya ilabina diha sa Eyukaristiya, nahiusa sa usag usa diha sa gugma. Nagalangkob sila og usa ka lawas, ang Simbahan, kansang kahiusahan nasinati diha sa panagkadaiya sa iyang mga sakop ug ilang nga tahas.

P: Kinsa man ang Ulo niining maong lawas?

T: Si Cristo mao ang “Ulo sa lawas nga mao ang Simbahan” (Colosas 1:18). Ang Simbahan nagakinabuhi gikan kaniya, diha kaniya ug alang kaniya, si Cristo u gang Simbahan nagalangkob sa “tibuok nga Cristo” (San Agustin); “Ang Ulo ug mga sakop nagalangkob, maingon nato, sa usa ug mao ra nga tulukibong persona” (Santo Tomas de Aquino).

(Cf. Kompendiyo sa Katekismo sa Simbahang Katoliko, 155-157)