Inspiration to Live, Gifted to Give

(An excerpt from the Homily of Most Rev. Romulo G. Valles, DD, Archbishop of Davao, May 16, 2021 during the live streamed mass of the Solemnity of the Ascension of the Lord Sunday and the World Communications Sunday in the Archbishop’s Residence Chapel.)

Kaning Year of St. Joseph nga gisugdan niadtong December 8, 2020, mahuman kini usa ka tuig gyud, December 8 karung tuiga 2021. Apan angay pud nato mahibaluan o nakadungog na kamo niini nga kining pagsaulog sa Year of St. Joseph, nahisulod pud kini sa lain pung nindot nga pagsaulog nga mao ang atong Yearlong o tuig pud nga pagsaulog sa 500 Years of Christianity dinhi sa Pilipinas. Kanang madungog nato, o makita nato, o mabasa nato sa FB o uban pang social media: “500 YOC”, 500 Y – Years, O – of, C – Christianity in the Philippines.

Now, nindot kaayo kana kay makatabang, makapalawom kana sa atong pag appreciate, pagsabot, niining special year nga nahisulod nianang Jubilee Year – kining Year of St. Joseph. Nalipay ako nga ang parokya sa St. Joseph nanguna ug nagadasig sa mga kalihukan alang niining tuiga dili lamang alang sa mga parokyano sa St. Joseph, Sasa, apan siya ang nanguna, uban kang Fr. Bong, nanguna sa mga activities, ang mga pagpasabot, labi na niining gihimo o pagahimuon nga Consecration to St, Joseph. Nanguna ang Parokya sa Sasa, sa St. Joseph.

Ang CBCP, gani nagpahigayon, nga karung Mayo 1, og hapit na, maghimo og National Consecration to St. Joseph. Busa gipagama kana pag-ayu dinhi sa Davao nga gipangunahan through the parish of Sasa. Sa miaging gabii, through DXGN, naghisgot kita sa mga dimensions, nindot nga mga kaamgohan nga makatabang kanato sa atong pagtuo niining Year of St. Joseph. Sa miaging gabii o mao ang unang gabii, sayud kita nga ang Topic, “St. Joseph: Protector of the Church, Model of Stewardship.” Double kana, nindot kaayo.

Sama sa akong ingun sauna nga ang tema, “St. Joseph Protector of the Church and Model of Stewardship.” Kana na tono – St. Joseph protector of the Church – panghunahuna kana, tema kana nga subay gyud sa Year of St. Joseph. Unya nindot pud ning ingon nga “Model of the Church”. Nganu man? Kana pud nga mga pulong o sugyot, sibo kana sa 500 Years of Christianity Commemoration. Tungod kay ang mga Obispo sa Pilipinas nanguna gyud niini. Usa sa mga panghunahuna nga atong palugdangon sa atong mga kasing-kasing sa tibuok Pilipinas mao ang batasan, ang lihok nga gitawag og Stewardship. Busa nindot tung tema ka gabii nga “St. Joseph Protector of the Church” – Year of St. Joseph; “Model of Stewardship” – na dunay kalabutan na sa atong diwa sa pagsaulog sa 500 YOC.