“Pagpa-ambit sa Gasa”

Ang paroka sa San Isidro Labrador sa Banaybanay, Davao Oriental, diin sakop sa diyosis sa Mati, nagsaulog sa ilang ika-39 nga Parochial Fiesta niadtong Mayo 19, 2021 uban sa Tema: “Pagpa-ambit sa Gasa.” Ang Santos nga Yukaristiya sa alas nuwebe sa buntag gipangulohan sa amahan sa maong diyosis nga si Bishop Abel C. Apigo, DD uban sa pipila ka kaparian sa diyosis sa Mati ug relihiyosong mga kaparian.

Sa iyang homiliya, gipamalandongan ni Bishop Apigo ang pangutana nga “Sa unsang paagi kita makahatag sa atong gasa ngadto sa Manggihatagon nga Dios?” Matod pa sa Obispo nga niining pagsaulog nato sa ika-500 Katuig sa Kristiyanismo sa Pilipinas ug niining pagsaulog sa kapistahan ni San Isidro Labrador, kita gihagit: una, sa pagkamapasalamaton sa Dios sa gasa, ilabi na sa gasa sa Pagtuo ug atong ibalik ngadto Kaniya; ikaduha, ang pagpasalamat ug pag-ila sa Dios pinaagi sa Iyang pagpanalangin kanato; ug ikatulo, kini nga balik gasa, labi na ang gasa sa pagtuo, atong mapuy-an ug mahatag sa uban.

Una ang katapusang panalangin, gipasalamtan ni Fr. Edito S. Baño, DCM, kura paruko sa maong parokya, ang tanang naningkamot sa katumanan sa maong kapistahan.