Pangitaa pag-una ang Gingharian sa Dios. Seek ye first the kingdom of God. (Part 3)

(An excerpt from the Homily of Most Rev. Abel Apigo, D.D., Bishop of Mati, April 19, 2021 atol sa Funeral Mass para kay Bishop Emeritus Patricio Alo, D.D. )

Ikaduha, naggiya sa panon padulong sa lunhaw nga sibsibanan ug sa langitnon nga puluy-anan. Ang Pastoral Staff nga naa diha sa kiliran sa iyang lungon, dayag nga timaan sa iyahang pagkamagbalantay sa panon.

Karong umaabot nga Domingo, Good Shepherd Sunday, nakaambit siya sa pagkamagbalantay sa atoang Ginoo. Sulod sa hapit na kwarenta ka tuig karong umaabot nga June 7, 40 years niya sa pagka-Obispo, so niining kwarenta ka mga tuig sa iyang pagka-Obsipo, ang 34 niini, gihalad niya sa pagbantay sa panon sa katawhan dinhi sa Diocese sa Mati. Dili lamang ang nga yanong katawhan, apil niini ang mga paglambigit sa mga karaan nga mga leader kaniadto, mga Rabas, mga Palma Gil, ug uban pa, siya nagiya kanila padulong sa Gingharian sa Dios. Ug mao kini nga diin diha sa atoang Ebanghelyo nga nagkanayon “Ang usa ka lugas nga trigo magpabilin ra gayod nga usa ka lugas gawas kon kini ipugas sa yuta ug mamatay. Ug kon kini mamatay, mamunga kini ug daghan.” (Juan 12:24). Ang iyang kinabuhi gipugas, iyahang gihalad dinhi sa atoang Simbahan. Ug sa iyahang paghalad niini, namunga ang daghan nga mga maayo nga resulta diha sa iyahang mga buhat. Ang lugas trigo nanaghan, og salamat niini kay karon aduna nay mga baynte ka mga parokya ug uban pa nga mga tulunghaan ug uban nga mga administriya ug institusyon. Iyang gikalimtan ang iyahang kinabuhi aron lamang magsangyaw sa Ginghariaan sa Dios. As the first shepherd of the Diocese of Mati, his memories are instilled in the hearts and minds of the people and he continues to echo his message, “SEEK FIRST THE KINGDOM OF GOD”.

Sa katapusan atong nadungog ang salmo 84 diha sa atoang entrance song “How lovely is your dwelling place Lord, God of Host. My soul is longing and yearning for the courts of the Lord, my heart and my soul ring out their joy to find the Living God” (Psalm 84:1-2).

Mao kini nga diha sa iyahang kinabuhi, iyahang gisangyaw ug gipaambit ang balay sa Dios, ang langitnon nga puluy-anan. Ug mao kini nga sa atoa nga pagsangyaw sa atong pagatambong karon, atoang paghinaot nga, he is now in the lovely dwelling place of God. Nga ang iyahang mga kasaypanan ug mga kasal-anan, mapapas diha sa kaluoy ug gugma sa Dios. Bishop Pat, thank you for those 34 dedicated years of service to the Church. Thank you for the companionship as brother bishop and as a father to your priests, whom you laid your hands the good number of them. Sobra 3/4 sa mga kaparian ang iyahang giordenahan.

What you have done for the kingdom of God will linger on in that lovely dwelling place. The good shepherd, our Lord Jesus Christ, will tell you “Come, you who are blessed by my Father”. Enjoy the peace of heaven. May the blessed Mother welcome you into the kingdom of her Beloved Son. Salamat Bishop Pat, salamat gayud.

Eternal rest grant unto him O Lord and let your perpetual life shine upon him.

“Seek first the Kingdom of God”.