Pandemya, kadasig sa pagdeklara sa Santo Papa sa Tuig ni San Jose

Unsa bay nagtukmod nganong mideklara si Santo Papa Francisco nga saulogon ang Tuig ni San Jose? Duna bay lamdag nga nakaaghat kaniya nganong saulogon kining tuiga?

Gibutyag ni Arsobispo sa Davao ug Presidente sa Catholic Bishops’ Conference of the Philippines (CBCP) nga ang pandemya maoy nakatukmod sa Santo Papa, Francisco, nga ideklara ang Tuig ni San Jose. Gibutyag ni Arsobispo Valles atol sa iyang Misa sa kapistahan sa Parokya ni San Jose, Sasa, nga ang Santo Papa, “Niingon siya, you know kining pag-declare naku sa year of St. Joseph, this extraordinary figure miingon siya kini samtang nagplano siya bunga kini sa akong nasinati, nakita, nabasa sa kahimtang sa kalibutan karon tungod sa pandemic.”

Ang kahimtang sa katawhan panahon sa krisis sa COVID 19 maoy nakapukaw ni Santo Papa Francisco nga mosangpit pag-usab sa panabang ni San Jose. “Mao nay context, bunga kining declaration niya sa year of St. Joseph tungod sa pag-antus sa katawhan sa Dios ug kalibutan,” dugang ni Arsobispo Valles. “Ingon siya kining extraordinary figure, this great saint St. Joseph daghan ta’g makuha gikan kaniya sa common human experience nato karon sa pandemic.”

Niining panahon sa kalisod, nakita sa Santo Papa nga kinahanglan molantaw kita sa kalisod nga nasinati ni San Jose aron kapanaminan nato siya giunsan niya pag-atubang nga puno sa kalig-on kining mga pagsulay. Matod ni Arsobispo Valles nga namalandong ang Santo Papa nga, “Tungod kay daghan sa akong tan-aw nagpalibot kanato sa stress, kapait, problema nato tungod sa pandemic daghang mga tawo nga nag-sustain nato. Karon daghang mga tawo nga buhi kita more or less functioning kita tungod sa mga tawo nga sama ug style, temperament ug kinaiya ug kasingkasing ni St. Joseph mao nay mensahe sa atong Santo Papa.”

Ang nasinati sa Santo Papa nga paningkamot sa katawhan nga molahutay panahon sa pagsulay nag-aghat kaniya sa pagbalik-lantaw sa panig-ingnan ni San Jose. Gipasabot ni Arsobispo Valles nga, “Tan-aw siya karon sa kahimtang daghang mga tawo nga nag-sustain nato nga pareha ug character ni St. Joseph. Iyang gihinganlan taas kaayo, doctors, nurses, naay pipila ka doctor nga mailhan, thousands maybe that’s kulang wala ilhi, walay ngalan, doctors lang generic, panday, store keepers, supermarket workers, cleaning personnels, caregivers, transport workers nindot kay nang pangalan sa transport workers driver sa tricycle, driver sa atong jeepney, driver sa habal-habal, men and women working to provide essentials services and public safety, kapulisan uban pang mga traffic aids, civil services, volunteers, priests, men and women religious and so very many others.”

Mipalalom pa pagsaysay si Arsobispo Valles sa gibati sa Santo Papa pinaagi sa pag-ingon, “Ang spirit, ang kasingkasing, ang diwa matud ni Pope Francis sama kang St. Joseph. Mothers, Fathers, lolo, lola staying at home keeping the children come, bantay sa mga bata mura’g Pilipino kaayo ang larawan.”

Gitapos ni Arsobispo Valles ang iyang hagit pinaagi sa pagpalanog niining mga pulong, “Busa mga igsoon moingon kita karon pagpadayag sa pagtoo, happy fiesta! Yes, salamat sa Dios sa gasa sa pagtoo. Yes, Kristohanong pagtoo, Yes, pagtoo nga nagadala kanato isip one family as Church, gasa sa pagtoo nga nagdala kanato nga usa ka katilingban sa parokya. Yes, gasa sa pagtoo nga atong gisaulog 500 years na dinhi sa atong nasud, kapupud-an, matud sa kanta. Salamat sa Dios, happy fiesta. Tinood gyud nga si Sr. San Jose panday nga amahan ni Hesus, esposo ni Maria, atong buhing inspirasyon alang natong tanan sa pagpuyo sa gasa sa pagtoo. Viva Sr. San Jose, Viva!”