500 kapin ka mga Bata Gibunyagan Isip Pagsaulog sa Ika-500 ka tuig sa Kristyanismo sa Pilipinas

Nagpahigayon og Binyagan sa GKK ug Parokya ang Our Lady of the Miraculous Medal Parish sa Indangan niadtong Abril 14, 2021 sa alas 9 sa buntag. Kini nga kalihukan mao ang usa sa mga highlights sa pag selebrar sa ika 500 ka tuig nga anibersaryo sa Kristiyanismo sa Pilipinas.

Gihagit ni Fr. Jess Samaniego, Kura Paroko, ang mga katekista sa GKK nga mosuroy sa mga tagsa-tagsa ka GKK aron mangita og 500 ka bouk bata aron hatagan sa Sakramento sa Bunyag sa dili pa moabot ang Abril 14 nga diin mao ang adlaw sa anibersaryo sa unang bunyag dinhi sa Pilipinas nga nahitabo niadtong Abril 14, 1521.

Sugod niadtong Marso 4, 2021, gisugdan ang pagbunyag didto sa GKK sa San Vicente Ferrer, Zone 3 ug adunay 12 ka mga bata ang nabunyagan. Marso 6 – GKK Sto. Niño, zone 3, 22 ka bata. Marso 12, GKK San Agustin zone 2, 20 ka bata. Marso 13, GKK San Ignacio 22 ka bata. Marso 16, GKK Santiago 35 ka bata. Marso 18, Gkk Sta. Cruz Upper ug Lower 22 ka bata. Marso 19, GKK San Isidro zone 2, 17 ka bata. Marso 20, GKK San Roque, 22 ka bata. Marso 22, GKK San Antonio de Padua, 22 ka bata. Marso 23, Immaculada Concepcion ug Consolacion GKK, zone 4a, 15 ka bata. Marso 24, GKK San Miguel, 21 ka bata. Marso 25, GKK St. Joseph the Worker, 22 ka bata. Marso 26, GKK Sto Niño km. 15, adunay 25 ka bata. Marso 27, GKK Divine Mercy, 18 ka bata. Abril 5, GKK San Vicente Ferrer, zone 4b, 16 ka bata. Abril 6, GKK San Roque zone 6, 17 ka bata. Abril 7, GKK Inahan sa Kanunay’ng Panabang, 30 ka bata. Abril 8, GKK San Pedro 21 ka bata. Abril 9, GKK Immaculate Conception zone 1b, 18 ka bata. Abril 12, GKK Sagrada Familia, zone 6, 19 ka bata. Abril 13, Gkk San Isidro zone 6, 13 ka bata.

Adunay 21 ka GKK ang naadtoan ni Fr. Jess ug sa mga Katekista aron mahatagan sa maong Sakramento sa Bunyag. Ang napulo ka GKK nga wala naadtoan didto na sa parokya gihimo ang ilang Binyagan.

Niadtong Abril 14, 2021 mao ang eksaktong petsa sa anibersaryo sa Bunyag sa Pilipinas, gihimo usab ang Binyagan sa Parokya diin adunay 114 ka bata ang gibunyagan.

Bisan pa man sa krisis sa panahon tungod niining pandemya karon wala kini nahimong babag nga dili kabunyagan ang mga kabataan.