Mary, Gifted to Give (Part 3)

(An excerpt of the talk of the Most Rev. Guillermo Afable, D.D., Bishop of Digos, March 24, 2021 during DXGN Online Recollection)

Sa higayon nga si Mother Teresa kanunay moingon ngadto kang Maria “pahulama ako sa imong putling kasing-kasing,’ matinud-anon siya nga uban niini naghuna-huna ba siya nga ang pisikal nga kasing-kasing ni Maria kuhaon gikan sa iyang lawas ug mokanaog si Maria gikan sa langit? Dili, ang pisikal nga kasing-kasing ni Maria usa lamang ka simbolo sa mas lawom nga kamatuoran. Ang kasing-kasing nagpasabot sa kinahiladmang kinabuhi ug ang puluy-anan sa Espiritu Santo. Ang Espiritu Santo karon nga makaabot kita sa kasing-kasing sa maong hisgutanan.

Hinumdomi ang semana uban ni San Maximilliano Kolbe ug giunsa niya pagsabot ang kalambigitan tali sa Espiritu Santo ug ni Maria. Miingon siya nga ang Espiritu Santo mao ang esposo ni Maria ug ang ilang kahiusa mas lawom pa kaysa kahiusa sa magtiayon. Miingon siya, ang Espiritu Santo dili molihok gawas kon pinaagi sa Immaculada ang iyang esposa. Busa siya ang tigpataliwala sa mga grasya sa Espiritu Santo. Busa kon buot kita nga mahigugma kang Hesus sa hingpit, mainiton ug perpekto sama kang Mother Teresa, kinahanglan nato ang iyang Espiritu Santo, ang iyang Espiritu sa gugma, ug ang putli nga Maria maoy magdala niini kanato. Mag-ampo kita, “Maria, pahulama kami sa imong kasing-kasing. Dad-a ngari kanamo ang Espiritu Santo. Pag-ampo nga ang magahin namo nga kasing-kasing magmainit sa gugma alang kang Hesus. Tabangi kami sa paghaling og kalayo sa gugma alang kaniya.”

Ang ikaduhang pag-ampo mao ang “tipigi ako sa imong labing putli nga kasing-kasing.” O sa kinatibuk-an, usa ka pag-ampo, “putling kasing-kasing ni Maria, tipigi ako diha sa imong labing putli nga kasing-kasing aron nga makahimuot ako kang Hesus pinaagi kanimo, diha kanimo ug uban kanimo.”

Kining maong bahin sa konsagrasyon ni Mother Teresa ngadto kang Maria, usa ka labing lawom. Wala lamang siya mangayo sa kasing-kasing ni Maria nga moanha kaniya, kondili ang iyaha mahiadto kang Maria. Busa, usa kini ka pag-ampo sa paghigugma ni Hesus pinaagi kang Maria, diha kang Maria ug uban kang Maria. Usa kini ka butang nga labaw pa sa pagpahulam kang Maria kanato sa iyang kasing-kasing aron makasabot ug makapuyo niini nga kinahanglan sa lawom nga pasalig ug kahiusa uban kang Maria. So, mga igsuon, didto natapos ang ika-18 ka pamalandong ni Fr. Michael Gaitley. Iyang gitapos ang maong pamalandong pinaagi sa pag-ingon, “Umari ka Espiritu Santo nga nagpuyo kang Maria. Tipigi ako diha sa iyang labing limpyo ug putli nga kasing-kasing.

Mga isguon, kini ang gasa sa atong Mahal nga Inahan, Birhen Maria. Ug kining iyang gasa sa iyang malumo nga kasing-kasing, mao usab ang iyang ginapaambit ug ginahatag sa tanan nga modangop kaniya, moduol kaniya, makighiusa kaniya, mag-ampo kaniya aron nga ang iyang kasing-kasing maanaa diha sa atong kasing-kasing, sama ra nga ang atong kasing-kasing atoa usab sa iyang kasing-kasing.