Mary, Gifted to Give (Part 2)

(An excerpt of the talk of the Most Rev. Guillermo Afable,D.D., Bishop of Digos, March 24, 2021 during DXGN Online Recollection)

Mga igsuon, sa ika-18 ka adlaw sa among 33 days, si Fr. Gaitley mismo naghisgot mahitungod niining Putling kasing-kasing ni Maria. Buot nakong basahon ang pipila ka bahin niini alang sa atong pamalandong karong gabii.

Miingon siya nga “ang papel ni Maria mao ang pagdala kanato sa atubangan uban sa gugma sa kasing-kasing ni Hesus nga gilansang sa krus. Apan panaglitan atoa na kita didto uban kaniya, mag-atubangay na gayod kita, dili kaha kita matandog? Kon mobarog kita atubangan sa usa ka krusipiho, mamalandong sa mga kasakitan sa Ginoo, aduna bay pagbati bisan gamay na lang tungod sa atong mga sala? Kini mahitabo, kitang tanan nakasala ug ang sala nagpagahi sa atong kasing-kasing. Ang pagkauga o pagkawalay kinabuhi mahitabo bisan unsa ang atong mga sala, bisan unsa man ang tinubdan. Ang atong mga kasing-kasing mamahimong mabugnaw ug walay pagbati. Ang problema mahimong dakong problema. Salamat kay siya nga walay sala, perpekto ug putli ang kasing-kasing, motabang kanato. Iyang ihatag sa mabinati-on nga kasing-kasing, iya kita nga tugotan nga mopuyo sa iyang kasing-kasing kon ato lamang ihatag ang atoa.” Ihatag ang atong kasing-kasing ngadto sa atong Birhen Maria.

Sa semana uban kang San Louise de Monfort atong nahibaloan nga kon ato lamang ikonsagrar ang atong kaugalingon ngadto kang Maria, atong ihatag ang tibuok natong kaugalingon ngadto kaniya, si Maria mohatag sa tibuok niyang kaugalingon nganhi kanato. Ang gihatagan og gibug-aton niadtong semanaha mao ang merito kon atong ihatag ang atong merito ngadto kang Maria, iya usab nga ihatag ang iyang merito ngari kanato.

Talagsaon kini nga butang, apan si Maria Teresa mihatag og gamay nga kalahian sa gibug-aton. Iyang gihuna-huna mao ang kasing-kasing. Sa laing pagkasulti, ang iyang bersion sa konsagrasyon ngadto kang Maria, nagatutok diha sa pagbinayloay og kasing-kasing. Atong ihatag kang Maria ang atong kasing-kasing ug iyang ihatag ang iyang putli nga kasing-kasing nganhi kanato. Alang kang Mother Teresa, kining gasa nga kasing-kasing ni Maria sa konsagrasayon naghisgot og 2 ka butang nga gipadayag diha sa 2 ka simple nga pag-ampo. Pahulama ako sa imong kasing-kasing ug sagopa ako diha sa imong labing putli nga kasing-kasing.

Una, pahulama ako sa imong kasing-kasing. Pinaagi niining maong pag-ampo si Mother Teresa, siya nangayo sa atong Inahan sa paghatag kaniya sa gugma sa iyang kasing-kasing. Sa laing pagkasulti, miingon siya, Maria, tabangi ako sa paghigugma uban sa perpekto nga gugma sa imong putli nga kasing-kasing. Hinumdomi ang mainiton nga pangandoy ni Mother Teresa mao ang magtagbaw sa kauhaw ni Hesus sa gugma ug gusto siya nga mobuhat niini kutob sa iyang mahimo. Aduna pa bay mas maayo nga paagi sa paghigugma kang Hesus kaysa perpekto, mapaubsanon ug putli nga kasing-kasing sa iyang Inahan? Dinhi nakakaplag si Mother Teresa sa sekreto sa pagpuyo sa iyang bokasyon sa hingpit. Maria pahulama ako sa imong putli nga kasing-kasing.