Kampanya alang sa bokasyon

Sa sulat-sirkular numero 14 nga gipagula niadtong milabay nga Marso 17 ni Arsobispo Romulo G. Valles, D.D., arsobispo sa Davao ug CBCP President, siya nag-awhag sa tanan alang sa pagkampanya ug pag-ampo sa tibuok tuig alang sa bokasyon sa pagkapari.

Siya nagkanayon nga ang Saint Francis Xavier College Seminary sa Catalunan Grande nagpahigayon og Vocation Search-In Seminar and Examination. Ang tanan nga mga batan-on nga nagtinguha nga motubag sa tawag sa pagkapari ug mosulod sa Grade 11 o sa kolehiyo o ang mga young professionals, gidapit nga moapil niini.

Tungod sa mga safety protocols, kining maong Search-in Seminar and Examination pagahimuon sa mga parokya bisan unsang orasa o adlawa nga makahimo ang hingtungdan. Makig-alayon lamang sa Kura Paroko alang sa mga pangutana ug aron masultihan ang mga kaparian sa seminaryo nga mopahigayon niini.

Mahimo usab nga motawag kang Rev. Fr. Alfredo Bustamante, Assistant Vocation Director, sa numero 0977-6551008 o 0929-8401819.