LPA wala nakababag sa Unang Sinulog sa Kaputian

“Usa ka milagro ang among natagamtaman kay bisan pa sa balita nga adunay Low Pressure Area (LPA) sa maong dapit gitubag ni Sto. Niño ang among mga panalangin sama sa maayong tempo sa panahon,” giingon ni Fr. Rico Enriquez, Kura-paruko sa Kaputian.

Malipayong Gipahigayon ang ika-31st fiesta sa parokya ni  Sto. Niño sa Kaputian Samal milabay’ng Enero 10, 2014. Kung diin nagkalain-laing aktibidades ang nahitabo, usa na dinhi ang Blood letting na gitambungan sa kadaghanan ug mga misa pasalamat nga gihalad kauban ang mga pari sa Parokya sa Kaputian nga sila Fr. Neil Sombrio ug Fr. Johnny Autida.

Sa mismong besperas gitapos ang prusisyon sa poblacion ug gi-tapos usab ang siyam ka adlaw nga pag-ampo sa nobena pinangulohan ni Most Rev. Fernando R. Capalla, kanhing arsobispo sa Dabaw.

Ug sa mismong fiesta ang unang misa gihalad ni Fr. Rico, gisundan sa pag-bunyag sa mga 26 ka bata. Ug sa alas 9 sa buntag ang Eyukaristiya gipangulohan sa Arsobispo sa Dabaw nga si Most. Rev. Romulo G. Valles ug ubay-ubay pud ang mitambong bisan pa sa dili maayong kahimtang sa panahon.

Gisundan kini sa gipasigarbong Unang Sinulog sa Kaputian nga gi apilan sa taga Adecor District nga kinsa nakakuha sa unang ganti, Poblacion District para sa ikaduhang ganti, ug Sta. Ana Cruz District para sa ikatulo o ulahing ganti, taga Tagbaobo District, Bandera District,  Sion District ug Tadtad District nga nakigduyog sa aktibidades.

Dako  gyud ang pasalamat ni Fr. Rico sa  mga nagpasiugda, mga hurado, mga sumasalmot ug esponsors sa unang Sinulog sa Kaputian ilabina ang major sponsor nga 5000 para sa kampeon nga gikan sa Pearl Farm, 3000 sa Isla Reta ug 2000 gikan sa Red Parrot Inn.