“Sending off” gipatigayon

Gipatigayon sa St. Joseph the Worker Parish ang tinuig nga “Sending off” alang sa mga misnistriya sa lectors, commentators, gift bearers ug choir.

Gisugdan kini niadtong adlawng Sabado, February 13 pinaagi sa usa ka Lenten recollection nga gipangunahan ni Rev Fr. Cris Violon, DCD diin ang tanang misalmut gipahinumduman pag-usab sa mga kaagi ni Hesus gikan sa iyang pagkamagsasangyaw hangtod sa iyang kamatayon.

Sa adlawng Domingo, February 14, gisul-oban ang tanang sakop sa mga ministriya sa ilang mga puti nga bisti atol sa Santos nga Misa nga gipangunahan ni Fr. Sanny Villahermosa, DCD, ug gipanalanginan sa mga bag-ong myembro niini.

Mihatag sab sa ilang bag-ong panaad ang mga lectors, commentators, gift bearers ug choir isip “renewal” alang sa usa na usab ka tuig nga pagpangalagad diha sa maong parokya. (Aimi Mari Nortez | SUGID SoCCom)