GKK, Pamilya sentro sa Sasa Parish

Isip pagpahinungod sa mga pamilya ug mga lideres sa nagkadaiyang Gagmay’ng Kristohanong Katilingban (GKK), gihimo sa St. Joseph the Worker Parish, Sasa ang GKK-Family Day.

Niadtong Enero 4 gihimo ang selebrasyon nga gisugdan pinaagi sa Misa sa kura paroko nga si Fr. Dionisio Tabiliran.

Sa maong misa, gihimo ang renewal sa mga GKK leaders ug center organizations.

Sumala ni Fr. Tabiliran, ginatawag nila ang mga lideres isip pangulo o alagad. Sa iyang gibutang nga status sa iyang Facebook account, giingon sa kura paroko nga ang alagad nagpasabot nga usa ka tawo nga mihatag sa iyang serbisyo alang sa komunidad, sa Simbahan ug sa Ginoo nga walay bayad o sweldo o maski unsang salapi nga ginadawat.

“God will reward him/her in His term and in His own time,” sumala ni Fr. Tabiliran.

Sa iyang pagtapos sa iyang mensahe, naghimo si Fr. Tabiliran og acronym alang sa pulong nga ‘ALAGAD’:

A-nchored in the person of Christ.

L-ove your work well.

A-ccept your work willingly and wholeheartedly and not grudgingly.

G-od centered and not self-centered.

A-wareness of your assets and liabilities.

D-edicated and devoted to God and to others.