You have contributed to my growth

(Excerpt sa mga pulong-pasalamat ni Fr. Michael Ondras atol sa iyang ordinasyon sa Immaculate Conception Parish, Mintal, January 9, 2021.)

Duyog niining atong pasalamat sa Dios, ang Santos nga Misa, hatagi usab akog hamubo nga higayon diin ako magpasalamat sa personal nga pamaagi ilabina kang Archbishop Muloy sa pagsaulog niining Santos nga Misa ug pagpahigayon sa Rito sa Ordinasyon.

Kang Bishop Abel, ang Obispo sa Mati ug akoang Rector sa Theology. Bishop, salamat kaayo sa pagtambong, sa imong presensiya, Bishop!

Sa atong kura paroko nga maabtikon, si Fr. Johny Autida, supportive kaayo siya. Pads, sama sa giingon ni Bishop, tulo ka nagsagunson nga ordinasyon dinhi sa parokya sa imong panahon, grasya kana sa parokya Pads. Salamat kaayo, Pads.

Sa akoang Mama ug Papa, Mama Fe ug Papa Michael, Sr. Pa, sorry kaayo Pa, wala gyud ko na Police. Salamat kaayo, Pa. Ma, salamat kaayo sa pagtugyan kanako sa Simbahan. Salamat kaayo sa inyong pagkamanggihatagon.

Sa akong mga manghod nga wala diri, si Mary Beatrice ug si Paul Lawrence, mga bata pa.

Sa akong paryente. Pipila lamang sila. Akong ig-agaw, akong auntie, akong lola naa sa balay, akong uncle ug mga kaparyentihan sa Baybay, Leyte ug sa Southern Leyte.

Sa Diocesan Clergy of Davao, pinangulohan sa atoang Vicar General ug sa Vicar for the Clergy nga si Msgr. Julius Rodulfa. Kang Msgr. Edlab nga nag facilitate sa amoang retreat, sa mga religious nga mga pari, akong mga classmate pud sa College, SDV, wala man nakaanhi ang AJC kay naa daw silay kabilinggan sa community. Salamat kaayo sa inyong presensiya.

Seminary Fathers, my priest formators and priest professors, both in the College and the Theology. Religious Sisters, PM Sisters, naay AJC Sisters ug sa Sisters of Saint Francis of Perpetual Adoration OSF Baybay, Leyte.

Sa akong mga classmates, sa College ug sa Theology, nagsulti sila daan nga dili sila makaanhi, kadtong mga pari nako nga classmates tungod sa gilay-on, tungod usab sa pandemya. Salamat kaayo. You have contributed also to my growth, paglambo, pagtubo isip usa ka Kristiyano.

Salamat sa mga GKKs, tanang GKKs sa parokya sa Immaculada Conception. Sa mga Pangulo sa GKK ug sa kinatibuk-an nilang katilingban. Salamat sa pinansiyal ug ilabina sa espiritwal nga suporta, Lay and Center organizations sa atong parokya usab.