Pinakaunang Virtual Choir Concert: Halad-Awit Kang Birhen Maria

Isip pagtapos sa Bulan sa Rosaryo, gipahigayon sa Davao Verbum Dei Media Foundation Incorporated ang pinakaunang Virtual Choir Concert nga “Halad-Awit kang Birhen Maria” niadtong October 31, 2020, alas 6 sa gabii live sa radyo ug facebook sa DXGN 89.9 Spirit FM-Davao.

Katuyuan niini nga bisan pa man sa pandemya makapadayag kita sa atong paghigugma ug pagpasalamat sa atong Mahal nga Inahan nga kanunay nga naga-uban ug nagatabang kanato. Gipahigayon usab kini aron sa paghiusa sa mga talentadong Choir diha sa pagkanta sa mga nindut nga Cebuano Marian Songs pinaagi sa gasa sa teknolohiya ug social media. Giimbita ang mga Choir sa DADITAMA Region niining maong kalihukan ug nahimo kining mabungahon uban sa tubag ug talento nga gipaambit sa katorse (14) ka Choir Groups:

1. Schola Cantorum of St. Francis Xavier Regional Major Seminary of Mindanao
2. The Crossian Voice of Holy Cross of Davao College
3. San Miguel Parish Youth Choir of San Miguel Parish, Panacan, Davao City
4. San Isidro Labrador Parish Choir of San Isidro Labrador Parish, Lumondao, Davao City
5. Holy Infant Jesus Chorale of Shrine of the Holy Infant Jesus of Prague, Shrine Hills, Matina, Davao City
6. Sta. Cecilia Chorale of San Pedro Cathedral Parish, Davao City
7. Koro Marello of San Francisco de Asis Parish, Tagakpan, Davao City
8. CFC Choir of the St Mary of the Perpetual Rosary Parish
9. St .Joseph Choir of St. Joseph the Worker Parish, Sasa, Davao City
10. Duko Music Ministry of Our Mother of Perpetual Help Parish, Maco, Davao de Oro
11. The Choristers of the Sacred Heart of Sacred Heart of Jesus Parish, Obrero, Davao City
12. Saint Mary’s Youth Choir of St. Mary of the Perpetual Rosary Parish, Buhangin, Davao City
13. Voces Marianas of Paulines Media Choir Davao
14. The Kapellmeister and Company of San Antonio de Padua Parish

Pinaagi sa ilang mga nindot ug makatandog nga mga awit, nalipay ang mga nakapaminaw ug nitan-aw bisan pa man sa kalisod nga atong gisagubang niining panahon sa pandemya.

Mapasalamaton ang atong Arsobispo sa Davao ug CBCP President, Most Rev. Romulo G. Valles uban sa pwersa sa Davao Verbum Dei Media Foundation Incorporated sa tanang mga niapil ug nisuporta niining maong kalihukan diha sa atong kinasing-kasing nga paghalad og mga awit kang Birhen Maria.

Puno sa pagtoo ug paglaum, magpadayon kita sa paglakaw uban sa Ginoo pinaagi sa inspirasyon ni Santa Maria!

Viva Maria! Viva Jesus!