Pasidungog sa Biblia diha sa panimalay

Usa ka Family Bible enthronement gihimo didto sa panimalay ni Bro. Constantino Rabara, ang Family Life Apostolate Coordinator sa Parokya sa Sto. Rosario, Toril, DavaoCity, uban sa iyang kapikas sa kinabuhi Sis. Cresencia ug mga anak ug mga kaubanan.

Ang ilang panimalay anaa sa GKK San Roque, Daliao, Toril.
Ang gihimong pagpasidungog sa Biblia natigayon niadtong December 29, 2013, sa buntag nga gipangulohan sa ilang PSL, Bro. Orlando Bualan. Usa ka katekesis bahin sa maong kalihokan gihatag usab sa ilang PSP, Sis. Rosa Nituda sa panahon sa ilang sinemanang Kasaulogan sa Pulong sa Dios didto sa ilang GKK chapel. Ang katekesis magahatag og katin-awan, sa bili ug sa kalambigitan sa pagpasidungog sa Biblia diha sa Kristohanong kinabuhi sa pamilya.

Ang okasyon gitambongan ug giapilan sa mga miyembro sa Parish Bible Apostolate uban ang ilang Coordinator, Sis. Helen Cuasito, ang PSP Coordinator, Sis. Lida Retorca, ug ang ilang PSL Coordinator, Bro. Dominacio Aguhob.

Kining gihimong Family Bible Enthronement pormal nga nag-abri sa programa sa parokya sa Sto. Rosario ug magpadayon kutob sa panginahanglan sa mga pamilya diha sa GKK, ubos sa madasigong pagtinabangay sa PBA, FLA, PSL ug PSP sa parokya.

Ang Family Bible Enthronement usa ka kalihokan sa Pagsaulog sa National Bible Month karong Enero sa Archdiocese of Davao, subay sa tema nga: “Engaging Every Family in Proclaiming and Living the Word.”
Ang programa gipangulohan sa ABAD Coordinator ug ABAD Director Fr. Ritsche Gamaya. (Agustin Calzada/Correspondent)