Tuig sa dialogo tak-upon sa virtual nga paagi

Fr. Pete Lamata, Archdiocesan Commission on Social Communication Director; Fr. Florencio Acedo, Jr., Indigenous People’s Apostolate Director; Msgr. Julius Rodulfa, Pastoral Director

Gisaysay ni Fr. Pedro Lamata, Director sa Archdiocesan Center for Ecumenical and Inter-religious Dialogue nga pagatak-upon ang Tuig sa Ecumenism, Inter-religious Dialogue and Indigenous Peoples.

Uban sa pakig-alayon sa Indigenous People’s Apostolate sa paghisgot-hisgot nila ni Fr. Florencio Acedo, Jr., Director, ug ni Msgr. Julius Rodulfa, Pastoral Director sa Archdiocese sa Davao, gitakda nga karong umaabot nga Oktubre 10, Sabado, himoon ang Virtual Culminating Celebratoin on the Year of Ecumenism, Inter-relgious Dialogue and Indigenous Peoples.

Kining maong kalihukan kabahin sa siyam ka tuig nga pagpangandam sa kasaulogan sa ika-500 katuig nga Kristiyanismo sa Pilipinas nga gipasiugdahan sa mga kaobispohan sa Pilipinas.

Sa pagkakaron giplanohan nga molambigit niining paagiha sa paggamit sa internet ug social media ug sa radyo ang atong mga Gagmay’ng Kristohanong Katilingban. Ang mga detalye ipahibalo sa mga mosunod nga mga semana. (DCHerald)