Bishop Dela Peña nanawagan sa pag-ampo alang sa tunhay nga pagpahulay ni Fr. Chito Suganob

Nanawagan sa pag-ampo si Prelature Of Marawi Bishop Edwin Dela Peña, MSP, D.D. alang sa tunhay nga pagpahulay ni Rev. Fr. Chito Suganob kinsa nakabsan sa kinabuhi kagahapon (July 22, 2020) sa ilang panimalay sa Noralla South Cotabato.

Pinaagi sa Facebook post sa Obispo, nga iyang gipahibalo ang makaguol nga kamatayon ni Fr. Chito tungod sa Cardiac Arrest.

Si Fr. Suganob, survivor sa gyera sa Marawi City tuig 2017.

Sulod sa 117 ka adlaw nahimong hostage sa teroristang Maute, apan naka ikyas Disyembre 2017.

Kagahapon, sumala sa espesyalista, nakabsan ang pari alas singko ngadto sa alas sais sa buntag, kinsa magsaulog unta sa ika-60 nga adlawng natawhan sa umaabot nga Agosto 1, 2020, apan nakabsan.

Pinaagi sa impormasyon gikan sa igsoon ni Fr. Chito nga si Roquito Suganob, ilubong kini sa Norallah Public Cemetery sa Noralla South Cotabato sa Agosto 03, 2020.

Ipahigayon ang Misa sa alas 9 sa buntag sa Immaculate Conception Parish sa lunsud sa Norallah, South Cotabato.