Sixth Sunday of Easter Homily (Part 2)

(An excerpt of the homily of the Most Rev. Romulo G. Valles, DD., Archbishop of Davao and CBCP President, during the 6th Sunday of Easter Holy Mass, May 17, 2020. Part 2 of 3)

Apan ang maayong balita nga akong i-particular nga akong underline karong Domingoha mao ang kita baya pud napandungan na sa Espiritu Santo halos kitang tanan naminaw karon i-review daw nga nakompirmahan ba kamo. Busa gibati sa simbahan nga mabati sa tanan ang presensiya sa espiritu, ingnon ta madawat ang Espiritu Santo diha sa pagpandong sa kamot tungod kay duna kini epekto sa atong kinabuhi.

Matud pa sa ebanghelyo karon ipadala ni Hesus ang Espiritu Santo. Siya’y magtudlo kaninyo sa tanan. Kumusta man ang inyong pagka-kinumpirmahan murag imo ba ng gigamit ang maong gasa? Magtudlo kaninyo sa tanan ug kana ang timaan nga dili ko kamo biyaan. Di ba miingon si Hesus karon sa ebanghelyo bisan napildi ang atong disposisyon karon sa tumang kahadlok sa COVID-19 naa ra man diay ang gasa sa sulod nga mahimo kitang kusgan, confident kay ang Diyos lagi, lain na pong maayong balita karon, di gyud mobiya kanato.

Bisan pa unsa kita kahuyang anaa ang Dios. Wala moingon ang Dios nga mura man kag COVID-19 dili ko moduol nimu kay matakdan ka. Ang Dios niingon mopuyo ko nimu palangga ta ka, dili ka biyaan, palangga ka kaayo naku. Mao nay mensahe sa Ebanghelyo karon. Dili ko mobiya kanimo panahon sa kangitngit ihatag naku ang Espiritu Santo aron maglamdag ug malig-on.

Kinsa man nang espiritu santo? Ako na, usa kami, ako ug ang Amahan magpuyo diha kanimo. Tan-awa pa gud ng pulong very strong “magpuyo diha kanimo”. Ang maayong balita mga igsoon in a way pahinumdum nga basig naa ang Ginoo dinha naglingkod-lingkod sa inyong sala wala tagda nimu. Ang paningkamot sa Ginoo nga mopuyo anaa diha sa atong kinabuhi kapila na siya nagsitsit “nia intawon ko diri” wala gyud nimu tagda intawon. Busa ang maayong balita today, kanindot ang promise gisulti sa Ginoo nga katong Espiritu Santo sa unang pagbasa hangtud karon anaa kana, realidad kana sa atong kinabuhi.