Tinuod Nga Kristiyano, Tinuod Nga Katolikong Pilipino

Dinhi sa Pilipinas, aduna kitay mga layko nga nahimong mga santo ug sila mamahimong sumbanan sa buhi nga pagtuo niining atong atong panahon karon sa Tuig sa Pagtoo.

Si San Lorenzo Ruiz, ang unang Pilipinong santo, usa ka layko-hamtong katekista nga andam mamatay alang sa Ginoo ug sa relihiyon. Bisan sa makadaghan higayon ihatag niya ang iyang kinabuhi. Siya gigasahan sa Dios ug gisaligan sa mga paring Dominikano sa Binondo, Manila para mosusi sa mga dokumento sa bunyag, kompiram ug kasal aron malista sa libro sa simbahan. Siya aktibo nga sakop sa Marian Confraternity. Mikuyog siya sa biyahe sa mga misyonaryo Dominikano sa Taiwan ug Japan.

Sa 1636 gidakop siya sa Japan ug wala siya mobiya sa iyang pagtuo sa Dios. Ang nagpatay kaniya nagkanayon: “Biyai ang imong pagtuo ug among kang buhion”, apan si San Lorenzo mitubag: “Dili nako na himoon”… “Ako Katoliko ug malipayon akong mamatay alang sa Dios. Kon aduna pa akoy daghang kinabuhi ako kining ihalad sa Dios”. Niadtong Septyembre 29, 1637 si San Lorenzo uban sa mga kaubanan gipatay didto sa Nagasaki, Japan.

Siya gihimo nga balaan ni Papa Beato Juan Pablo II sa Manila ug giproklamar nga santo niadtong Oktobre 28, 1987 Si San Lorenzo Ruiz naghupot nga unang tawo nga gibalaan gawas sa Vatican.Gipasidunggan siya nga unang santo nga Pilipino.

Si San Pedro Calungsod usa ka ba batan-on sa sakristan ug misyonaryong katekista nga mikuyog sa mga paring Hesuwita didto sa Miariana Island sa Guam alang sa misyonaryong buluhaton. Sumala sa mga paring Hesuwita, ang misyon sa Mariana Island (Island of Thieves) mao una nga misyon sa “North Pacific Ocean” ug pinakamaduguong misyon tungod sa “religious persecution”. Ang dili makalimtan nga nahitabo niadtong April 1672 sa Domingo sa Pasyon sa alas 7:00 sa buntag, si San Pedro Calungsod nga disyesite pa lamang ang iyang pangidaron uban ni Padre Diego gipatay didto sa Tomhom, Guam.

Ang mga kauban ni San Pedro Calungsod naghandum kaniya nga batan-on nga adunay maayo nga disposisyon o gawi, usa ka katekista nga adunay mga birtudes sa pagkamasinugtanon, ug maayong Katoliko kinsa molahutay diha sa pagtuo bisan sa baba sa kamatayon nga nakapahimo kaniya nga maayong sundalo ni Kristo. Niadtong Marso 5, 2000 si Beato Juan Pablo II nagproklamar kaniya nga mahimo martir ug balaan ug niadtong Oktobre 21, 2012 si Papa Beneto XVI nagproklamar kaniya nga santo ug patron sa mga batan-on.

Kining duha ka mga laykong Pilipino, si San Lorenzo Ruiz ug San Pedro Calungsod naghatag kanato og panig-ingnan sa lig-on ug makanunayong pagtoo sa Dios ug ug maalagaron sa mga tawo, nagsaksi sa pagtuo pinaagi sa pagsangyaw kang Kristo, pagpuyo kang Kristo ug pagpaambit kang Kristo sa tanan.

Sumala ni Papa Beato Juan Pablo II: “The Lord gives us saints at the right time and God waited many years to give us saint”. It is the heroism which he demonstrated as a lay witness to the faith… which is very important in today’s world.

The witness of San Lorenzo and San Pedro Calungsod are the testimony we need of courage without measure to show us that it is possible. Faith and life for San Lorenzo and San Pedro Calungsod were synonymous and inseparable.

Life without faith would have been without value… they proved that sanctity and heroism are there for anybody and the final victory is made to size for each one of us.”

Hagit: Unsaon nako pagsaksi sa akong pagtoo sa Dios sa panahon karon?