Divine Mercy Sunday Homily (Part 3)

Divine Mercy Sunday Homily of Archbishop Valles, Bishop’s Residence, F. Torres Street, Davao City (April 19, 2020)

Ikatulo nga pamalandong, kon ingon ana, malig-on ang atong pagtoo, makaila kita sa Dios kon motutok kita, maghatag og pagtagad, to realize, to be there sa sufferings sa mga tawo, unsay mahitabo kanato? Unsay konkreto nga resulta niana. Kon atong mabati karon ang unang pagbasa, unsay batasan sa mga Kristiyanos nga dili man siguro sila mga datu pero nawala siguro ang pag-antus. May kahupayan tungod diha sa ilang kasing-kasing anaa ang kalooy nga walay katapusan. Mao na.

Unsay pasabot bishop, second reading man to katong giingon nimo pero sa Buhat sa mga Apostoles, ang katilingban sa mga Kristiyanos gipakita ang kalooy nga walay katapusan tungod kay ang ilang mga butang, ang ilang mga resources bahin-bahinon nila. Ang katilingban maoy larawan sa Diosnong Kalooy nga walay kataposan. Wala nay ako. Wala nay iya. Apan ang tanan diha sa Diosnon nga Kalooy, ang tanan nga mga butang alang usab sa kaayohan sa tanan.

Mga igsuon, hinaut unta, labina salamat sa special request niining Misa, katong kamo nga anaa sa Davao sa Divine Mercy Apostolate, salamat sa inyong apostolate. Apan ang dakong challenge natong tanan nga kamo dinhi sa Simbahan makatandog gayod, makatandog sa Obispo, tanan kining apostolate sa Divine Mercy nga kita mismo, sama kang Tomas, dili gyud mahadlok. So confident of the mercy and compassion ni Hesus sa atong kasing-kasing. Kitang tanan dili mahadlok moduol sa mga nag-antus, mihikap sa ilang samad. Be there for their pag-antus. Ug diha sa atong pagtagad kanila mahimo kitang katilingban nga dunay special mark sa iyang mercy nga walay kataposan. Ug matod sa unang pagbasa karon ang katawhan nga wala magtoo natingala ug nagdayeg kanila tungod kay lagi ang kinbuhi sa katilingban ug kinabuhi sa matag-usa kanila, ug mao usab unta kanang mahitabo kanato timaan sa kolooy nga walay kataposan.