Renewal – Recollection gipahigayon

San Vicente Ferrer Parish, Bangkal — Nagpahigayon og duha ka adlaw nga LML Renewal Recollection nga adunay 66 ka participants niadtong Pebrero 15-16, 2020. Ug sa unang adlaw sa ilang renewal recollection gisugdan kini sa oras nga alas otso sa buntag pinaagi sa Santos nga Misa nga gipangulohan ni Fr. Allan Joie ug sa pagka alas 9:00 sa buntag misunod dayon ang paghatag og input ni Sr. Joyce nga gikan sa ADM Sisters Congregation sa Diocese sa Digos. Diha sa maong talk/input ni Sr. Joyce mahitungod sa tema karong tuiga nga mao ang “Year of the Ecumenism, Inter-Religious Dialogue and Indigenous People” iyang gipasabot ug gipaklaro kung unsa ka importante ang pakigdait, pakiglambigit sa matag usa inubanan sa gugma maskin paman ug anaa kita sa managlahing relihiyon. Ug nahisgutan usab ang Eyukaristiya nga kung diin maoy naghugpong kanato sa panaghiusa diha sa pagsaulog ug pag-apil nato sa Santos nga Misa ug unsa usab kini ka importante.

Sa part two nga aktibidades sa pagkahapon san oras nga 1-3 sa hapon misunod dayon ang ilang Practicum nga kung diin giisa isa ang mga LML sa pag-perform kung unsa sila modala sa (KSP) Kasaulogan sa Pulong o sa (HP) Hiniusang Pag-ampo diha sa ilang matag GKK.

Sa pagka alas 3-6 sa gabii mao na ang ilang Penitential Service nga kung diin adunay Holy Hour and Confession sa tanang mga LML. Human sa maong Penitential nagpadayon na usab sila sa ilang Practicum/Review nga kung diin mahitungod na usab sa Lagda ug Pamalaod sa LML.

Ug diha sa ilang ikaduhang adlaw nga kung diin mao na usab ang pagtapos sa ilang Renewal Recollection gipahigayon usab ang ilang Sending Off pinaagi sa Santos nga Misa. (Emman Fuentes | SUGID Bangkal SocCom)