Tingog sa Magbalantay

(An excerpt from the program of the Most Rev. Romulo G. Valles, D.D., Archbishop of Davao and CBCP President, DXGN 89.9 Spirit FM, February 2, 2020.)

Maayong buntag kaninyong tanan! Sa mga listeners ug sa mga nagtan-aw karon niining special coverage niining atong programa, Tingog Sa Magbalantay. Akong murag balik-tan-aw, review gamay. Moingon ako nga kini mao ang akong ikalima nga Domingo kay Domingo man ang airing niining maong programa Tingog Sa Magbalantay. Ikalima ka Domingo tungod kay ikalima ka bulan na pud ni sukad kita nagsugod.

Unya balik-tan-aw, akong gamiton kining higayona nga kining programaha, through DXGN 89.9 Spirit FM, gikauyonan ni sa Obispo sa Metropolitan Province of Davao. Ayaw mog katingala niana kay mao na ang popular nga pangalan niana mao nang DaDiTaMa, ngalan natong sagad ginagamit. Gikauyonan kini sa upat ka Obispo: ako, unya ang Obispo sa Digos, si Bishop Afable, si Bishop Aseo sa Tagum, Bishop Abel Apigo sa Mati.

Duna pa tay laing mga Obispo sila si retired Archbishop Capalla, Emeritus sa Davao, naa si Bishop Manlapaz sa Tagum, Bishop Alo sa Mati. Pero kining upat nga gitawag kana nga active nga nagdumala karon sa upat ka Diocese, nagkauyon gyud kami nga through DXGN 89.9 Spirit FM, kining programaha nga gitawag Tingog Sa Magbalantay, among pagahimoon. Busa, gi-refresh ko nila unsaon man na.

Pirme kada bulan magsugod sa DA, Davao, unya sunod ani, DI, Digos, sunod Sunday hopefully, unya sunod Tagum kay DaDiTa, unya last Sunday niini karong bulana niining kataposan nga tuyok, si Bishop Abel Apigo. Busa nalipay akog dako nga ako makighinabi ninyo ug makit-an pud ninyo sa, dili man ni TV, gitawag nato nga Facebook live.