Grade 10 students’ recollection gipahigayon

Nagpahigayon og usa ka adlaw nga recollection alang sa mga Grade 10 Students sa Bangkal National High School niadtong Sabado, Enero 25, 2020. Ang maong rekoleksyon gipangulohan ni Jovencia Pono, Head Catechist ug ni Emalyn Yamomo.

Nagsugod kini sa usa ka pag-ampo ug misunod dayon ang pag-acknowledge sa matag Section kay ang maong recollection gitambongan sa tulo sa seksyon sa grade 10 ug adunay 105 ka nga estudyante.

Adunay mga activity nga gipahigayon ug naglangkob sa 10 ka grupo, ug diha sa matag activity nga gihatag sa mga facilitators nagmaabtikon nga mitubag ang mga estudyante sa mga pangutana ug mga sharing. Gawas sa pagka-aktibo sa mga bata mas productive usab sila labi na sa pagpaambit sa ilang tagsa-tagsa nga mga kasinatian ug reflection sa tagsa-tagsa ka kaugalingon.

Ang maong recollection gitapos sa usa ka Santos nga Misa ug nanguli ang mga kabataan nga adunay nabitbit nga mga pagtulon-an ug pwede nilang mahimong inspirasyon sa ilang kinabuhi. (Emman Fuentes | SUGID SocCom Bangkal)