Pista sa Magsaysay Gisaulog

Nagsaulog sa ilang ika-56 nga kasumaran sa Kapistahan ang Sto. Niño Parish sa Magsaysay nga gipangulohan ni Most Rev. Guillermo D. Afable, DD. Bisan pa man sa mga pagsulay nga nasinati, wala naundang ang pagpakita sa katawhan sa ilang pagkamakanunayon nga pagpangalagad ug pagsalig sa Dios Amahan. Mas gihingpit pa nila ang hiniusang pag-ampo.

Una matapos ang Santos nga Misa giawhag ni Bishop Afable ang tanang mga bata nga nisimba alang sa panalangin nga gipangunahan mismo ni Bishop Jimmy ug giduyugan sa panalangin sa mga ginikanan.Kini agi sa pagsaulog sa Adlaw sa Holy Childhood nga adunay tema “CHILDREN HELPING CHILDREN”.

Human sa Final Blessing misunod ang Sinulog nga maoy naandan sa tanang katawhan nga musayaw ug dala ang ilang mga imahe sa Sto Niño. Kini agi ug pagpasalamat diha kang Sr. Sto. Niño. (Emman Fuentes | SocCom Bangkal | SUGID)