Ang Espirito Santo

P: Ngano man nga ang mga pagpadala sa Anak ug sa Espiritu Santo dili-mabulag?
T: Sa dili-mabahin nga Trinidad, ang Anak u gang Espiritu managkalahi apan dili-mabulag. Gikan sa sinugdanan hangtod sa kataposan sa panahon, sa dihang ang Amahan mipadala sa iyang Anak, iya usab gipadala ang iyang Espiritu nga maoy maghiusa kanato ngadto kang Cristo diha sa pagtoo aron isip mga anak nga sinagop makatawag kita sa Dios og “Amahan” (Roma 8:15). Ang Espiritu dili-makita apan mailhan nato siya diha sa iyang mga lihok, sa dihang mopadayag siya sa Pulong nganhi kanati ug sa dihang magalihok siya dinhi sa Simbahan.

P: Unsa man ang mga ngalan sa Espiritu Santo?
T: “Ang Espiritu Santo” mao ang tukma nga ngalan nga iyaha sa ikatulong Personaq sa Labing Balaan nga Trinidad. Si Jesus mitawag usab kaniya og Parakleto (Maghuhupay o Manlalaban) ug ang Espiritu sa Kamatuoran. Ang Bag-ong Testamento nagahisgot usab kaniya isip ang Espiritu ni Cristo, sa Ginoo, sa Dios-ang Espiritu sa Himaya u gang Espiritu sa Saad.l

P: Unsa man ang mga simbolo nga gigamit aron paglarawan sa Espiritu Santo?
T: Anaay daghang mga simbolo sa Espiritu Santo: buhing tubig nga nagatubod gikan sa nasamdang Kasingkasing ni Cristo ug nga nagatagbaw sa kauhaw sa mga binunyagan; pagdihog og lana, nga mao ang sakramentohanong timaan sa Pagkompirma; kalayo nga makapabag-o sa unsay mahikap niini; ang panganod, madulom o masanag, diin gipadayag ang diosnong himaya; ang pagtapi-on sa mga kamot, nga maoy pamaagi sa paghatag sa Espiritu Santo; ang salampati nga mikunsad kang Cristo sa iyang pagbunyag ug nagpabilin uban kaniya.

(Cf. Kompendiyo sa Katekismo sa Simbahang Katoliko, 137-139)