81 ka Delegado Mitambong sa Panagtagbo sa DaDiTaMa

81 ka delegado ang mitambong sa panagtagbo sa DaDiTaMa (DaDiTaMa Meeting), Disyembre 4-5, 2019 ug ang Diyosesis sa Mati mao ang nag-host niini. Ang mga delegado gilangkoban sa mga kaobispohan, kaparian ug mga laykong mga pangulo sa Davao, Digos, Tagum ug Mati. Sila Bishop Jimmy Afable, obispo sa Diyosesis sa Digos, Bishop Medil Aseo, Obispo sa Tagum, Bishop Abel Apigo, Obispo sa Mati mao ang nangulo sa ilang mga delegado.

Samtang si Archbishop Romulo Valles miabot buntag sa ikaduhang adlaw sa maong panagtagbo. Ang maong meeting gipahigayon sa Honey’s Hotel and restaurant. Gisugdan ang panagtagbo pinaagi sa pag ampo nga gi sundan kini sa pag-abiabi sa mga deligado ug sa paghatag og mensahe ni Bishop Abel.

Unya gisundan kini sa panagtapok sa matag grupo sa matag apostolado aron paghisgot hisgot sa ilang mga kaagi ug mga hagit diha sa pag-alagad sa simbahan. Pagkahuman niini, adunay gipahigayon nga pagtaho (reporting) sa maong kasinatian sa matag grupo. Gisundan usab kini sa pag-ampo ug sa Holy Hour nga gipangulohan sa duha ka diyakono sa Mati nga sila Reberendo Dave Felizardo ug Reberendo Donald Fernandez. (Aimee De Veyra | SocCom Ministry | San Nicols de Tolentino Cathedral, Mati)