DADITAMA meeting ug Pre-Christmas Party, gipahigayon sa Mati Diocese

Gipahigayon ang quarterly meeting sa DADITAMA kon panagtigom sa mga kaobispohan, kaparian ug mga laykong pangulo sa mga Diyosesis nga naglangkob sa Davao, Digos, Tagum ug Mati. Ang Diocese sa Mati maoy nagsilbi nga host sa maong kalihokan sa simbaham. Gisugdan kini kagahapong adlawa, Disyembre 4, 2019 ug mahuman karong adlawa, Disyembre 5, 2019. Ang maong kalihukan gipahitabo didto sa Honey’s Hotel samtang ang Christmas Party didto gipahigayon sa St. Therese Gym, Madang, City of Mati. Kini gitambungan sa mga kaobispohan sama ni Bishop Afable, ang Obispo sa Digos, Bishop Medil Aseo ang obispo sa Diyosis Tagum, Bishop Abel Apigo nga gikan sa Mati ug Bishop Emiritus Patricio Alo.

Adunay mga panaghisgot hisgot ug pagpamalandong sa mga delegado mahitungob mahitungod sa mga hagit ug pagkaginasahan sa mga GKK diha unang bahin sa maong kalihukan, ug sa lain bahin niini diin mao na ang Christmas party, usa sa mga naghatag og mensahe mao si Fr. Pete Lamata mahitungod sa DADITAMA meeting nga gikonekta usab nya sa maong christmas party.

Matod pa niya, ang pasko mahitungod kini sa pagpakatao ug balik sa Ginoo ug pag bati sa maong spirito niini nga sama kanila nga nagtambong sa maong panagtagbo nga unta ma bati nila ang maong spirito. Naghatag usab ug mensahe si Bishop Afable pinaagi sa pagkanta ug Silent Night.Aduna usab silay mga padula ug gipanghatag nga gamayng pahalipay sa tanang delegado nga mitambong niini. Misunod ang panagbaylo sa regalo ug sa katapusan, nahuman ang unang adlaw sa meeting pinaagi sa maong panghitabo sa pag-ampo nga gihatag ni Bishop Medil Aseo. (Elmarie Medilo | SocCom Ministry | San Nicols de Tolentino Cathedral, Mati)