Katapusang DADITAMA sa 2019 nagkakalidad

Sa pagpanguna ni Most Rev. Abel Apigo, D.D., obispo sa Mati, nakita nga nagkaanam og saka ang kalidad sa maong tigom.

Sa iyang mensahe sa Pasko atol sa maong quarterly meeting, nahinumdoman ni Rev. Fr. Pedro Lamata nga sa una, “huot kaayo ug gamay ang lugar sa maong meeting, apan karon haruhay na ug makapahulay nga legal.” Si Fr. Lamata, kura paroko sa St. Francis, La Cerna ug Direktor sa Archdiocesan Center for Ecumenical and Inter-religious Dialogue ug GKK Director sa Archdiocese sa Davao, maoy usa sa mga beterano na nga kabahin sa maong tigum.

Nagpaambitay ang mga nanambong mahitungod sa kahimtang sa Gagmay’ng Kristihanong Katilingban ug sa kahimtang sa mga batan-on ug pamilya sanglit bag-o man lamang napahigayon sa Davao ang National BEC Assembly niadtong Nobyembre 11-14, 2019.

Nalingaw, human sa holy hour ug pag-ampo, ang mga partisipante sa salu-salo ug parlor games nga gihimo sa bishop’s residence sa Mati atol sa panihapon sa unang adlaw. Nanghatag usab og advance nga pinaskuhan ang Diocese sa Mati sa mga nanambong.

Gisugdan sa misa ang ikaduhang adlaw sa wala kini maghisgot sa pipila ka agenda sama sa Year of Inter-religious Dialogue, Disaster Response, DADITAMA DCM, ug uban pa.

Usa ka gasa sa DADITAMA ang panagsuod sa usag usa alang sa hiniusang lihok-pastoral.