GKK kulang ang mga pangulo apan nahulipan

Ika-29 ka tuig nga kapistahan sa GKK Santa Cecilia nagmalampuson niadtong Nov. 28, 2019.

Alas 10:00 sa buntag gisugdan ang Santos nga misa nga gipangulohan ni Rev. Fr. Arnold Balaquinto, ang kura paroko sa San Roque Parish Malabog. Luyo sa kasub-anan nga pagkasunod-sunod ug kahanaw ang duha ka PSL sa GKK na kulang na kini.

Tungod sa pagpaningkamot sa kura paroko napangitaan kini og paagi sa pagpadala sa mga PSL gikan sa nagkalain-laing sona. Kalipay kay nabisitahan kini sa mga lain laing GKK alang moserbisyo sa kapilya.

Diha sa Santos nga Misa matod pa niya nga ang pagpangalagad usa ka behikulo nga nagdala sa kinabuhing dayon ngadto sa Ginoo kung atong sayangan mahikawan lang kini. Ug ang matinud-anon nga pagtahan sa kaugalingon sama sa usa ka amahan, bana nga nagmatinud-anon sa iyang asawa, putli nga kasingkasing ngadto sa mga anak, padre de pamilya sa iyang pamilya.

Dili na kinahanglan putlan og ulo, liog o pusilon aron matawag na martyr, sumala sa kura paroko.

Dayon nagpili si Fr. Arnold og dugang nga mga pangulo sama sa PSKB, PSA ug PSL aron makompleto na ang mga pangulo sa GKK.

Ug gilakip pa niya sunod ang petsa sa fiesta ibalik na kini sa Nov. 22 dungan sa Araw ng Malabog nga mao gayod kini ang orihinal na petsa sa fiesta.

Dako ang pasalamat ni Nanay Toring Jimenez ang PSK sa maong GKK sa mga PSL nga niari ug niserbisyo sa ilang GKK, mga pangulo sa laing GKK nga mibisita, sa mga membro nga nagtinabangay aron molampus ang maong kapistahan.

Karon aduna nay 39 ka mga membro ang maong GKK. (Imelda Cajera Overiz)