SMP mainitong gidawat ang bag-ong Kura Paroko

Ang San Miguel Parish Panacan nagsaulog sa pag-abot sa bag-ong kura paroko sa parokya sa milabay nga Domingo, Nobyembre 10, 2019. Pinaagi sa simple nga salu-salo aron sa pag welcome ni Rev. Fr. Zaldy Abonales mainitong gidawat ang bag-ong kura paroko sa nagkadaiyang Ministriya ug organisasyon sa sulod sa parokya gipangulohan ni Bro. Giovanni Udtohan, Formation Head.

Dako ang kalipay sa Finance & Construction Head Engr. Rudy Sultan tungod kay halos duha na ka bulan ang milabay nga wala nay mabuhat ang komitiba tungod kay ilang gihulat si Fr. Zaldy gikan sa iyang Holy Land trip. Kauban usab sa maong kasaulogan ang mga higalang pari nga sila Fr. Proceso Gimeno, Jr., Fr. Leif Simbajon, Fr. Rod Rodriguez ug Fr. Lando Mandreza.

Sa iyang pagbalik gikan sa iyang bakasyon nagpatawag sa pinaka-unang higayon og PCC Meeting niadtong milabayng Nobyembre 3, 2019.

Ang kura paroko nagpasabot sa iyang gusto nga mga pamaagi sa pagdumala sa parokya diin iyang giklaro nga buot niya adunay transparency sa panalapi. Buot usab sa kura nga ang tanan kalihukan sa parokya himoan kini og program aron han-ay. Labaw sa tanan buot sa kura paroko nga ang parokya mag focus sa usa ka proyekto ang re-roofing project.

Alang kanimo among kura paroko Fr. Zaldy Abonales maayong pag-abot sa San Miguel Parish Panacan ug makalaum ka sa among gugma ug suporta diha sa imong pagdumala sa parokya ni Sr. San Miguel, MABUHAY! (Liz Gilbuena | SMP Parish SoCCom)