SMP SocCom gisaulog ang kapistahan ni San Gabriel

Ang Social Communication Ministry o SocCom sa San Miguel Panacan nagsaulog sa unang higayon sa kapistahan sa ilang patron nga si San Gabriel sa milabay nga Sabado, Septiembre 21, 2019 didto sa Seminar Hall 2.

Ang SocCom sa San Miguel Panacan gilangkuban sa GKK Secretaries ug GKK Treasurers.

Ang selebrasyon subay sa mando sa kura paroko nga ang matag ministriya kinahanglan adunay patron nga handumon ug saulogon ang kapistahan niini.

Ang santos nga misa gipanguluhan ni Fr. Edsel Paloma. Madasigon ang kura paroko samtang naghatag sa iyang homiliya tungod sa iyang nakita ang ka-aktibo sa maong ministriya. Nanghinaot ang kura paroko nga magpadayon ang makanunayong pag-alagad sa SocCom pinaagi sa pagsangyaw sa maayong balita.

Pagkahuman sa misa adunay pagsalo-salo kauban ang kura paroko.

Malipayon ug mapasalamaton gayud ang tanang miyembro sa Social Communication Ministry tungod sa dakong suporta nga gipakita sa kura paroko. (Liz Gilbuena | SMP SocCom)