OMPH Bajada nangandam alang sa GKK Election 2019

Nagtapok ang mga Pangulo sa Katilingban (PSK) ug mga SocCom niadtong September 1, 2019 alang sa pagpangandam sa GKK election sa treinta (30) ka GKK nga sakop sa Our Mother of Perpetual Help Parish, Bajada.

Adunay simultaneous election nga ipasilitar sa mga batan-on sa parokya nga pangunahan ni parish worker Babino Casanaan sa umaabot nga October 13, 2019.

Ang matag GKK gipangayoan og gidaghanon sa balota nga ilang kinahanglan alang sa maong election nga eprovide sa parokya.

Samtang ang parokya ang mohatag sa blank ballots ang matag GKK mag-andam og ballot box, ball pens, snacks ug lunch para sa mga batan-on nga magserve ug tally board nga manila paper para sa pag-ihap sa boto.

Nauyonan nga ang batan-on nga kinse (15) anyos pwede na nga makaboto aron sa paghan-ay sa listahan sa mga GKK members.

Padayon pa ang orientation bahin sa mga Roles and Functions sa usa ka GSL nga pilionon.

Kini ginahimo sa panahon sa GKK Mass sa matag sakop nga GKK.

Nanghinaot ang mga GSL nga adunay daghang motubag sa tawag sa pagpangalagad.

Gitakna sa Nobyembre ipahigayon ang meeting sa pag-welcome sa mga bag-ong GSL ug pagpasalamat sa wala na na-elect nga karaang PSK ug SocCom. (Marieta V. Comighud | OMPH SoCCom Coordinator)