Dili sayon ang pagsunod kang Kristo

Ika-23 nga Domingo sa Ordinaryong Panahon
Wis 9:13-18b / Ps 90:3-4, 5-6, 12-13, 14-17 / Phlm 1:9-10, 12-17 / Lk 14:25-33

Sa atong Ebanghelyo dili sayon ang gipangayo ni Hesus kanato imong domtan imong amahan ug inahan aron lang pagsunod niya ug aron lang mahimo niyang tinunan, LOVE TAKES SACRIFICES matud pa.

Nag dako ko nga kauban nako ang akong Pamilya, akong mama, papa ug ang akong igsoon. Maayo ang ilang pag padako nako, dili man aduhan apan malipayon nga pamilya. Wala ko kasulay nga mabulag sa ilaha sugod pag kabata nako, kanunay anaa ko sa ilang mga mata ginabantayan hangtod nga midako ko. Dependent kaayo ko nga pagkatawo tungod sa ingana ko nila nga gipadako pero ni abot ang panahon nga gitagaan kog usa ka dako nga desisyon sa akong kinabuhi ang tawag sa Ginoo nako, ang musulod sa seminaryo and bokasyon sa pagka-relihiyoso. Sa akong pagtubag ni aning tawag dili kaayo sayon kay sila ang dako nako nga gi konsidira kay dili ko ganahan nga mabulag nila ug kini ang tubag nila nako, “dako naka nak, ikaw na mag desisyon sa imong kaugalingon, salig mi nimo, naa rami nga mu alalay nimo”. Tungod nila, sa ilang dakong suporta nag padayon gihapon ko karon.

Matod pa sa usa ka kanta nga miingon, “Dili sayon ang pagsunod kang Kristo; Daghang tunok ang dalan nga agi-an mo. Bug-at ang krus nga pas-anon mo, ug kamatayon naa naghulat kanimo. Sa atong Ebanghelyo gipahinumduman kita nga dili gayud sayon ang pagsunod kang Kristo. Kitang mga dugay na sumusunod ni Kristo asa naman kita dapit sa dalan nga atong gi sundan. Dalan pa ba kini sa gi tudlo sa Ginoo kanato o laing dalan na?

Ug ika-duhang punto nga atong mapamalandungan mao ang giingon ni Hesus, “Walay bisan kinsa kaninyo nga mahimong akong tinun-an gawas kon iyang biyaan ang tanan nga anaa kaniya”. Duha ka example iyang gi hatag. Una, mao ang pagtukod sa Tore nga kinahanglan imong ma bana-bana ang imong magastos kay basig dili mahuman ang pag patukod kay tungod dili sakto ang kwarta. Ug ang Ika-duha mao ang pakigbatok, kung ikaw hari nga naay 10,000 ka mga sundalo ug ang imong kaaway 20,000 makigbatok pa baka? Gipakita kanato ni Jesus ang katin-awan sa Iyang lisud nga pamahayag nga kinahanglan naton isipon ang bili sa pagkadisipulo. Aron mahimo nga disipulo, kinahanglan nga andam kita nga ihatag ang tanan alang kang Jesus. (Mark Joy Guantero Basallajes, OFM)