Katumanan sa usa ka saad

Katumanan sa usa ka saad ang pag-angkon sa usa ka dako nga industrial fan sa parokya sa San Miguel-Panacan.

Sa milabay nga semana gisugdan na ang pagwirings ug nataod na gayud niadtong Miyerkules, Agosto 14, 2019.

Ang industrial fan gikan sa kaayo ug kamanggihatagon sa pamilya ni Engr. Rudy ug Mrs. Linda Sultan.

Sumala pa ni Engr. Sultan kini dugay na niya nga saad nga iyang butangan ang simbahan aron komportable ang mga parokyano nga mosimba.

Bulahan gayud ang parokya ni Sr. San Miguel sa Panacan sa pagkabaton sa susama sa pamilyang Sultan nga manggihatagon.

Dako ang pasalamat sa kura paroko Rev. Fr. Edsel J. Paloma, DCD ug ingon man ang mga parokyano.

Sumala pa ni Mrs. Annie Quadizar dakong tabang kini tungod kay alimoot gayud ilabina sa panahon sa ting-init o summer.

Sa pakighinabi kang Engr. Sultan, siya nagkanayon nga plano usab niya butangan og lain pa nga dagkong electric fan ang unom ka mga poste sa simbahan.

Pagdayeg ug pasalamat ang gipaabot sa mga parokyano ngadto sa pamilyang Sultan, usa sa pilantropo sa San Miguel Parish-Panacan. (Liz Gilbuena | SMP-Parish Soccom)