Si Kristo Nabanhaw

P: Ngano nga ang Pagkabanhaw sa samang higayon usa man ka hitabo nga labaw sa panahon?

T: Ang Pagkabanhaw, usa ka hitabo sa kasaysayan, nga napamatud-an ug sinaksihan sa mga timaan ug kapanghimatuoran. Sumala nga kini mao ang pagsulod sa pagkatawo ni Cristo sa himaya sa Dios, isip usa ka misteryo sa pagtoo, kini siya labaw ug lapaw sa kasaysayan Tungod niini, ang nabanhaw nga Cristo wala mipahayag sa iyang kaugalingon sa kalibotan kon dili sa iyang mga tinun-an, nga nahimong iyang mga saksi sa katawhan.

P: Unsa may kahimtang sa nabanhaw nga lawas ni Jesus?

T: Ang pagkabanhaw ni Cristo dili usa ka pagbalik sa yutan-on nga kinabuhi. Ang iyang nabanhaw nga lawas mao kadtong gilansang sa krus ug nagdala sa mga timaan sa iyang kasakit. Hinuon naga-ambti kini usab sa diosnong kinabuhi, uban sa mga ilhanan sa usa ka gihimayang lawas. Tungod niini ang nabanhaw nga Jesus tumang gawasnong makabuot sa pagpakita sa iyang mga tinun-an sa pamaagi ug sa bisan diin nga iyang gipili ug ilalom sa nagkalainlaing dagway.

P: Sa unsa man nga paagi ang Pagkabanhaw buhat sa Santisima Trinidad?

T: Ang Pagkabanhaw ni Cristo usa ka labaw-sa-panahon nga buhat sa Dios. Ang tulo ka mga Persona hinugpong nagalihok sumala sa unsay angay sa usag usa kanila: ang Amahan nagapahayag sa iyang gahom; ang Anak “mikuha pag-usab” sa kinabuhi nga gawasnon niynag gihalad (Juan 10:17), gihiusa pag-usab ang iyang kalag ug ang iyang lawas nga gibuhi ug gihimaya sa Espiritu.

(Cf. Kompendiyo sa Katekismo sa Simbahang Katoliko, 128-130)