Pakigdait ug Pagkabahinbahin

Ika-20 nga Domingo sa Ordinaryong Panahon
Jer 38:4-6, 8-10 / Ps 40:2, 3, 4, 18 (14b) / Heb 12:1-4 / Lk 12:49-53

Kung atong basahon ang Ebanghelyo sa literal nga pagkasulat ani makahuna-huna ta og pagpangutana nganong nasulti man ni ni Hesus nga miingon, “dili pakigdait ang akong gidala kondili pagkabahinbahin.” Nganong ing-ani ang pagkasulat ni San Lucas? Atong sabton ning buot ipasabot ni Hesus.

Kung atong mabantayan matag human sa unom ka tuig mupili kita ug bag-ong Presidente sa atong nasod ang mga matag kandidato mopakita sa ilang maayong plataporma ug katuyuan sa ilang pagdagan. Diha pa lang sa pagpangampanya wala na nato nakita ang kahiusaan kay tungod aduna kitay nagkadaiyang pagsalig o gi-tuuhan nga angay nga modaog.

Sa dihang naa nay midaog imbes nga suportahan kadtong kandidato nga midaog ang kanunay nga mahitabo dinhi sa atong nasod makakita kita sa mga kadalanan nga naay magprotesta nisamot ang pagkabahinbahin sa mga tawo.

Ang Ginoo nagpadala sa iyang bugtong anak dinhi sa kalibutan ug unsay katuyuan sa Ginoo nganong iya pa man gipadala ang iyang anak kung pagkabahinbahin man lamang ang mahitabo sa katawhan? Ang tubag sa maong pangutana usa ka pangutana. Aduna bay misyon nga sayon? Aduna bay misyon nga miadto ra ta aron mangaon? Sa pagpadala sa Ginoo sa iyang anak iya ba kining gihulog lang sa yuta ug mitubo nga siya ra? Dili! Gipadala niya ang iyang anak pinaagi sa pagsinati isip usa ka tawhanon ug dili ang iyang pagka Diyos.

Kinahanglan natong angkunon nga dili kita makapahimuot sa tanan adunay mga tawo nga kanunay musupak sa atong mga binuhatan pero kung kabalo kita musabot ug kabalo kita kung unsa atong gi buhat ug wala kini nakahatag ug kadautan sa ilaha wala kitay angay nga kahadlukan. Si Hesus sa atong Ebanghelyo kabalo siya nga dili tanan mu uyan kaniya ug sa iyang pag abot kabalo siya nga ang katawhan magkabahinbahin gayud tungod kaniya ug tinuod kini sa kaorn nga mga panghitabo kitang mga kristiyano nagkatibulaag tungod sa atong mga nagkadaiyang mga pagtuo apan nagkahiusa ang atong pagtuo nga siya anak sa Diyos.

Bisag asa adunay pagkabahinbahin nga mahitabo si Hesus sa tinuod nag pahinumdom kanato ug nihagit kanato nga kining padayon nga pagkabahinbahin sa mga tawo mao usab ang makadaot nato kini mao ang misyon natong tanan bisan pa man aduna kitay mga kalahian kita maningkamot nga adunay panaghiusa sa pagkalainlain (unity in diversity). (Mark Joy Guantero Basallajes, OFM)