OMPH Bajada getting ready for GKK Election 2019

Nagkatapok alang sa Parish Pastoral Council (PPC) meeting ang mga miembro niini kauban sa unang higayon ang among acting Parish Priest nga si Fr. Jomil Baring CSsR, July 10, 2019 sa PPC building sa parokya.

Ang agenda mao ang GKK Orientation ug GKK election sa mga new set of officers for 2019-2023.

Nahisgutan usa ang experience sa matag GKK sa niaging election base sa nakasulat nga pamaagi sa “Yellow Book”. Nahibaloan nga naay mga angay bantayan sa maong pamaagi. Kani nga mga bantayanan ang angay tutokan aron dili na kini mautro ug makab-ot ang tumong nga aduna gayu’y mga new set of officers dili kay mao lang gihapon, nadugang nga maihap ra pud.

Nagkahiusa ang tanan nga ang pamaagi sa orientation himoon nga mas makadani rather than makahadlok sa pagdawat og responsibilidad isip mga GSL. Kani ang hagit ni Fr. Romil sa committee nga napili para maghisgot sa flow sa orientation nga ang guide is ang “Yellow Book” gihapon.

Usab nasabutan nga para mas daghan ang makadungog, makahibalo itunong kini sa panahon sa mga GKK mass sa bulan sa Agosto hangtud Septiembre tungod kay mas daghan ang mga miembro nga manambong.

Ang committee magmeeting karong July 30 aron sa paghisgot sa pamaagi nga haom sa panginahanglan sa karon nga panahon.

Ang GKK election karong September 29, 2019. Ang mga Redemptorist Youth Ministry (RYM) ang e-deputize nga maoy mo-facilitate sa election. Simultaneous election kini sa 31 ka mga GKK nga sakop sa parokya.

Panghinaut sa mga nanambong sa meeting nga ma-achieve gayud ang maong target ug challenge tungod kay kasagaran nga mga GKK sa Davao Vicariate aduna nay new set of GSLs.

Delayed na ang parokya tungod kay aduna man usab kini’y lahi nga approved time-frame. Karon pa lang tuiga mag-take-effect ang change of assignments sa mga CSsR priest bahalag late basta makaapas pa gihapon. (Marieta V. Comighud | OMPH Parish SocCom Coordinator)