34 Years Celebration sa OMPH Catholic Charismatic Community

Nagsaulog ang OMPH Catholic Charismatic Community sa ilang ika-34th year anniversary pinaagi sa pag-sponsor sa alas tres (3:00) sa hapon nga Misa niadtong July 7, 2019. Kini isip pasalamat sa tanang mga grasya nga nadawat sa grupo ug sa iyang mga miembro.

Nagkatapok usab silang mga opisyales ug miembro niadtong July 6, 2019 didto sa Midori Cold Spring Resort alang sa ilang rest and relaxation kauban ang ilang tagsa-tagsa ka pamilya. Enjoy ang tanan nga nangaligo sa mabugnaw’ng tubig sa spring human sa ilang praise and worship activities ug fellowship siyempre with lechon.

Matod pa ni Emecar Pana ang ilang grupo adunay prayer meeting kada Martes sa ala siete (7:00) sa gabii didto sa parokya. Aduna usab Small Prayer Group (SPG) sa GKK sa kapilya pero kani nagadepende kung walay kalihokan ang GKK tungod kay mga aktibong member man pud sila, para nila priority ang ilang partisipasyon sa kalihokan sa GKK.

Naga-sponsor usab ang grupo sa mga misa sa parokya ug aktibo usab ang ubang miembro sa Lay Organization Movements Associations (LOMAS) choir sa alas tres (3:00) sa hapon samtang ang uban mga Cebuano lectors.

Nakahimo na sila og Charismatic Life in the Spirit Seminars (CLSS) diin adunay estimated nga duha ka gatos (200) nga nakahuman sa duha (2) ka adlaw nga seminar pero mga treinta (30) porsiento lamang ang aktibo nga naga-attend sa mga parish activities. Ang challenge karon sa mga opisyales mao ang pagreach out kanila aron mamahimo usab silang mga aktibong miembro sa grupo ug sa parokya.

Ang mga opisyales nila mao sila Marcial P. Petracorta – Head Servant, Salvador Bustillo – Asst. Head Servant, Nilda Pastoral – Secretary, Felix Talorete – Auditor, Albert Labacar – Formation Committee, Edgardo Malabarbas – Business Manager, Lanie Labacar – Asst. Business Manager, Gabriel Canillo – PIO, Rizalie Bustillo – Worship Com. & Asst. Treasurer, Yumina Miranda – Service Committee, Ivy Baliong – Teaching Ministry Head, Ermelito Estrera – Speaker’s Bureau Head, Rodel Rabino – Music Ministry Head, Rico Partosa – Liturgy Head, Evelyn Bato – Healing Ministry Adviser, Ely Villacorta – Asst. Healing Ministry Head, Josephine Labacar – SPG Follow-up Ministry Head, Yanda Descargar – Youth Ministry Head, Mark Bennett Gonzales – Spiritual Adviser.

Sa pangutana unsay nakapalahutay kanimo nga mahimong member sa grupo sa sulod sa biente siete (27) na ka tuig?: Si Emecar (Nening) miingon nga ang iyang pagka-miembro sa grupo nakatabang kaniya sa paglahutay sa mga pagsulay sa kinabuhi-ilabina sa panahon nga namatay ang iyang bana, nakahatag kaniya og kadasig sa pagpadayon sa pagkab-ot sa iyang damgo nga makagraduate ang iyang tulo (3) ka mga anak diin ang kamanghuran niya mipasar sa Mechanical Engineering board examination. Nagpasalamat siya sa Ginoo ug kang Mama Mary, sa Espiritu Santo sa mga gasang nadawat gikan kaniya. (Marieta V. Comighud | OMPH-Bajada Parish SoCCom Coordinator)