K of C sa Panacan misalmot sa Brigada Eskwela 2019

Mayo 22, 2019 kauban sa mga miyembro sa Knights of Columbus sa San Miguel-Panacan nga gipangulohan ni Kagawad Eller Bantugan, K of C Coordinator didto sa Osmeña Elementary School, Km. 12, Panacan, Davao City sa Brigada Eskwela.

Sila mitabang sa paghinlo ug gagmay’ng construction sa tulunghaan isip pagtubag sa panawagan sa mga pampubliko nga mga tulunghaan pinaagi sa programang Brigada Eskwela 2019.

Ang Brigada Eskwela 2019 usa ka programa diin nag-awhag sa mga individual o grupo sa pagtabang sa paghinlo sa mga pampublikong tulunghaan aron sa pagpangandam sa pag-abri sa school year 2019-2020.

Ang grupo sa Knights of Columbus sa San Miguel Parish Panacan mao kanunay ang nag-una sa mga buluhaton diha sa komunidad gikan sa parokya tungod sa ilang adbokasiya nga Faith in Action.

Ang among kura paroko nga si Fr. Edsel Paloma mapasalamaton sa Knights of Columbus tungod sa ilang maayong buhat. (Liz Gilbuena | SMP Panacan SoCCom)