Culmination sa Flores de Mayo sa San Roque Parish, Malabog

Gitambongan sa 128 ka mga bata gikan sa tulo (3) ka sona sa San Roque Parish, Malabog, Paquibato District ning syudad sa Dabaw ang gipahigayong pagtapos sa kasaulogan sa Flores de Mayo.

Ala una sa hapon Mayo 26, 2019 gisugdan ang Santos nga misa ni Rev. Fr. Arnold Balaquinto ang kura paroko.

Human sa misa gipanalanginan ni Fr. Arnold ang mga Rosaryohan para sa mga bata.

Unang higayon kining culmination nga adunay Mr. and Ms. Flores de Mayo sa parokya sa Malabog. Adunay Question and Answer mahitungod sa mga ministeryo sa Rosaryo.

Sa iyang mensahe sa mga kabataan, mga katekista ug mga ginikanan, gipanghinaut ni Fr. Arnold nga unta mapadayonon sila sa pagpaningkamot nga matudloan, maporma, mahimong lig-on ang pondasyon sa pagtoo, paghigugma sa santos nga Rosaryo sa Mahal nga Inahan ug sa pagtoong Katoliko.

Nagpasalamat siya sa mga katekista ilabina sa PSP coordinator nga ni Jeanifer Raganas Esurez, sa mga ginikanan ug sa mga tawong mga manggihatagon sa mga pahalipay.

Gipanghatag dayon ang mga rosaryohan, notebooks ug mga lugaw kada sona.

Malipayon kaayo ang mga kabataan nga nangapil niadtong higayona. (Imelda Overiz)