Pagkamaubsanon – Mithi sa Servant Leader

Gisugdan ang tulo ka adlaw nga Basic Liturgy Seminar sa Ascension of the Lord Parish Mayo 20, 2019 alang sa Lectors, Commentators, Choir ug Psalmist kon ang mga pundok ubos sa worship committee.

Dul-an sa usa ka gatos ka mga partisipante ang mitambong sa maong seminar nga gihatag sa usa ka professional nga mamumulong kabahin sa liturhiya nga mao si Loreta Juarez, kanhi sakop sa Holy Cross of Davao College Campus Ministry.

Kabahin ang maong seminar sa proseso sa pagdawat sa mga mo-renew ug mga mi-apply nga buot magserbisyo sa simbahan sa nahisgutang mga katungdanan.

Isip Pasiuna, gipasabot sa kura paroko nga si Fr. Zenon B. Ampong ang Vision, Mission ug Objectives sa parokya diin gipahaom sa bag-ong estratehiya nga himoong labaw sa tanan ang kampanya alang sa Spirituality of Stewardship kon SOS as a way of life.

Labing gihatagan og gimbug-aton ni Fr. Ampong ang pagpaubos isip maoy maayong batasan sa us aka matuod nga Kristyanos nga nag-alagad sa simbahan kon mga Servant leaders.

Siya midugang nga labaw na gayud kadtong mga nagkadugay na sa pag-alagad, mas labaw pa nga mamahimong mas mapaubsanon ug matumanon.

Lakip sa mga mitambong sa maong seminar mao ang mga extraordinary ministers of the holy communion kon EMHC, Adult Gift Gatherers, Music Ministry apil ang mga kabataan nga sakop sa rondalla.

Gitakda sa ikaduhang gabii nga mohatag ug pagpasabot mao si Amiel Baculna sa Archdiocesan Music Ministry.