Election sa Barangay Malabog Malinawon

Commuters squeezed themselves in a jeepney to reach the voting centers in time for the 2019 elections.

Malinawon ang nahitabong 2019 national ug local election sa Barangay Malabog tungod sa maayong coordination sa mga pulis, sundalo, magtutudlo ug publiko sa Barangay nga sakop sa San Roque Parish, Malabog, niadtong Mayo 13, 2019 sugod alas sais sa buntag hangtod alas sais sa gabii.

Gipatuman sa mga Pulis ang “No backpack policy” kung mosulod sa mga presinto.

Gihan-ay sa mga maestra sa area diin naay lane para sa mga senior citizens, PWD ug mga buntis. Lahi pod ang linya para sa mga batan-on.

Gihan-ay usab sa mga magtutudlo ang gawas para ma-verify daan ilang pangalan sa computer nga isa sa nakapalangan niadtong higayona.

Isa sa dakong tabang nga makaadto ang mga botante sa voting center mao ang pagpasakay sa jeep nga libre gikan sa 3 ka sitios nga mao ang Malamboon, Pamantawan ug Nursery hangtod sa Balugo Elem. School.

Kasagaran niini mga lumad, matod pa ni sir Libert Dela Cruz, anak sa tagiya sa jeep.

Usa na kini ka kabilin sa iyang amahan sa pagtabang sa mga tao aron sila mahatod ug makaboto.

Adunay niingon nga unta makita sa mga politiko nga sila nagsakripisyo sa pag-adto sa mga presinto aron sila iboto. (Imelda C.Overiz | SRP Malabog SocCom)